पोर्चुगलमा बस्ने नेपालीलाई अब ५ दूतावासबाट सेवा, लिस्बनमा पासपोर्ट आवेदन लिन टोली आउने


प्रकाशित मिति : फाल्गुन १२, २०७९ शुक्रबार

पोर्चुगलमा बस्ने नेपालीले अब युरोपका ५ नेपाली दूतावासबाट सेवा पासपोर्ट र कन्सुलर सेवा लिनसक्ने भएका छन् । पेरिसमा रहेको नेपाली दूतावासले वक्तव्य जारी गरी अब पोर्चुगलमा रहेका नेपालीहरुले पेरिसको अतिरिक्त मेड्रिड, ब्रसेल्स, बर्लिन र कोपनहेगनमा रहेका नेपाली दूतावासबाट पनि सेवा लिनसक्ने जनाएको छ ।

पोर्चुगलमा बस्दै आएका नेपालीलाई पासपोर्ट र कन्सुलर सेवा प्रवाहमा परेको कठिनायीका सन्दर्भमा परराष्ट्रमन्त्रालयले फागुन ३ गते गरेको निर्णय अनुशार ५ वटा दुतावासबाट सेवा लिन सकिनेगरी नयाँ व्यवस्था गरिएको वक्तव्यमा उल्लेख छ । तर पासपोर्टका लागि तोकिएको प्रकृया पूरा गरी अप्वोइन्टमेन्ट लिएरमात्र दूतावासमा जान सुचित गरिएको छ ।

अन्य कन्सुलर सेवाका सन्दर्भमा खासगरी अधिकृत वारेसनामाका लागि समेत अप्वाइन्टमेन्ट लिएरमात्र दुतावासमा जानुपर्ने जनाइएको छ । पोर्चुगलमा ठूलो संख्यामा नेपालीहरु रहेकोमा अहिलेसम्म पेरिसमा रहेको दूतावासबाटमात्र सेवा लिनुपर्दा निकै कठिनायी हुने गरेको गुनासो आउने गरेको थियो । अझै पनि पोर्चुगलमा रहेका कतिपय नेपालीहरुलाई पोर्चुगलभन्दा बाहिरको मुलुकमा जान समस्या हुने भएकाले पोर्चुगलमा नै पासपोर्ट र कन्सुलर सेवा उपलब्ध हुनुपर्ने माग हुदै आएको छ ।

पोर्चुगलको लिस्बनमा पासपोर्टको आवेदन संकलनका लागि राहदानी विभाग काठमाडौंबाट एउटा टोली पठाउने निर्णय समेत भइसकेको छ । त्यसका लागि आन्तरिक प्रकृयाहरु पूरा भई पोर्चुगल आउने मिति निश्चित भएपछि पेरिसमा रहेको नेपाली दूतावासले त्यसबारे विस्तृत विवरण उपलब्ध गराउने जनाएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com