न्युयोर्कमा नेपाल आदिवासी चलचित्र महोत्सव हुने, ११ विधामा अवार्ड, ११ चलचित्र सहभागी

प्रकाशित मिति : श्रावण १२, २०७४ बिहीबार

विश्व आदिवासी दिवसको अवसरमा न्युयोर्कमा नेपाल आदिवासी चलचित्र महोत्सव हुने भएको छ । नेपाल आदिवासी जनजाति महासंघ, अमेरिका (फिप्ना) ले महोत्सव गर्न लागेको हो । फिप्ना अमेरिकामा सन् २००५ सालमा स्थापना भएको स्वायत्त र मुनाफारहित सामाजिक संस्था हो ।

आगामी अगष्ट २५ देखि २७ तारिख तीन दिनसम्म ‘नेपाल आदिवासी चलचित्र महोत्सव, न्यूयोर्क– २०१७’ आयोजना गर्न लागेको महोत्सवका संयोजक मणी बाङ्देल राईले वक्तब्यमार्फत जानकारी दिनुभएको छ । आदिवासी जनजातिको भाषा, कला, संस्कृति, परम्परा र सामाजिक रुपान्तरणको विषय समेटेर निर्माण गरिएका चलचित्र, कलाकार र प्राविधिकहरुको अन्तर्राष्ट्रिय प्रवद्र्धन र प्रोत्साहन गर्ने उद्देश्यले यो महोत्सवको आयोजना गर्न लागिएको आयोजकको भनाई छ ।

महोत्सवलाई भव्य, सभ्य र व्यवस्थित रुपमा सञ्चालन र समापन गर्नको लागि मुख्य आयोजक संस्था फिप्ना र मातहतका सम्पूर्ण जातिय संगठनहरु सह–आयोजकको रुपमा रहने जनाइएको छ । यसैगरी आदिवासी जनजाति चलचित्र महासंघ (फिन्फी) र ईन्डिजिनियस फिल्मस् अकाईभ (आईफा) महोत्सवको सह–आयोजक र नेपाल चलचित्र विकास बोर्ड र नेपाली महावाणिज्य दूतावास, न्यूयोर्क महोत्सवमा बिशेष सहयोगी संस्था रहनेछ ।

महोत्सवमा सहभागिताको लागि बिभिन्न जाती र समुदायबाट ३९ वटा चलचित्रहरु दर्ता भएको र ती चलचित्र मध्येबाट आयोजक समिति र निर्णायक समितिले ११ चलचित्रहरुलाई अन्तिम छनौट गरेकोछ । महोत्सवमा दुई चलचित्रहरुको बिशेष प्रर्दशन गरिनेछ । छनौट भएका चलचित्रहरुमा लिम्बुको हेलुक्वा, मगरको लोम्बा, नेवारको कृषा गौतमी, गुरुङको मैंरिमो, राईको सुम्निमा, तामाङको सेम ताबा म्ही र मुस्ताङको शेरढाक रहेका छन् । त्यस्तै छनौट भएका लघु चलचित्रहरुमा मुगलको फेके, माझीको बन्ठी, नेवारको कल्ली, थारुको लाज रहेका छन् ।

महोत्सवमा बिशेष प्रर्दशन गरिने चलचित्रहरुमा उत्कृष्ट आदिवासी राष्ट्रिय पुरस्कार–२०१५ प्राप्त राईको मतान र आदिवासी जनजाति चलचित्र महोत्सव–२०१७ को पब्लिक चोईस अवार्ड विजेता गुरुङको कर्म क्या रहेका छन् । छनौटमा परेका सम्पूर्ण चलचित्रहरुको सार्वजानिक प्रर्दशन हुने जनाइएको छ ।

महोत्सवमा उत्कृष्ट चलचित्रले ट्रफी, नगद १००,००० रुपैया र प्रमाण पत्र, उत्कृष्ट अभिनेताले ट्रफी र प्रमाण पत्र, उत्कृष्ट अभिनेत्रीले ट्रफी र प्रमाण पत्र, उत्कृष्ट कथाले ट्रफी र प्रमाण पत्र, उत्कृष्ट छाँयाकारले ट्रफी र प्रमाण पत्र, उत्कृष्ट सम्पादकले ट्रफी र प्रमाण पत्र, उत्कृष्ट भेषभुषाले ट्रफी र प्रमाण पत्र, उत्कृष्ट संगीतले ट्रफी र प्रमाण पत्र, उत्कृष्ट शर्ट फिल्मले ट्रफी र प्रमाण पत्र, उत्कृष्ट निर्देशकले ट्रफी र प्रमाण पत्र, पब्लिक चोईस अवार्डमा ट्रफी र प्रमाण पत्र पाउनेछन् ।

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com