एसाइलम आवेदकहरूले अब वर्क परमिट आवेदन अनलाइनबाटै दिनसक्ने
प्रकाशित मिति : माघ ९, २०७९ सोमबार
अब निश्चित एसाइलम आवेदकहरूले वर्क परमिट आवेदन अनलाइन फाइल गर्न सक्ने युएससीआईएसले घोषणा गरेको छ । तुरुन्तै लागू हुने गरी श्रेणी सी ८ अन्तरगत एसाइलम र वीथहोल्डिङ अफ रिमुभल आवेदन पेन्डिङ रहेकाहरुले वर्क परमिटका लागि अनलाइन आवेदन दिन सक्नेछन् ।
त्यस्तै एबीसी सेटलमेन्ट सम्झौता अन्तर्गत एसाइलम पेन्डिङ रहेका आवेदकहरुले पनि वर्क परमिट फारम अनलाइन फाइल गर्न सक्नेछन् ।
यो योग्यता वर्ग अन्तर्गत पेन्डिङ शरण आवेदनमा आधारित वर्क परमिटको लागी आवेदन गर्न आवेदकले आफ्नो एसाइलम आवेदन फाइल गरेको १५० दिन पूरा भएको हुनुपर्छ । फाइलिङ मिति राम्रोसँग दायर गरिएको फारम एसाइलम आवेदन वा वीथहोल्डिङ अफ रिमुभल आवेदन प्राप्त गरेको मिति हो । जुन आवेदकले रसिद सूचनामा फेला पार्न सक्छन् ।
वर्क परमिट अनलाइन फाइल गर्नको लागि पहिले माइ युएससीआईएसमा अनलाइन एकाउन्ट बनाउनुपर्छ । एकाउन्ट बनाउनको लागि कुनै शुल्क लाग्दैन। युएससीआईएसको अनलाइन एकाउन्टले सुरक्षित इनबक्स मार्फत आवेदनको बारेमा युएससीआईएससँग सीधै सञ्चार गर्ने क्षमता सहित विभिन्न सुविधाहरू प्रदान गर्दछ।
यदि आवेदकले पहिले नै युएससीआईएसको कुनै फारम अनलाइन फाइल गरेको खण्डमा पहिले नै रहेको अनलाइन एकाउन्ट प्रयोग गर्न सकिन्छ । नयाँ एकाउन्ट खोल्नु पर्दैन ।
वर्क परमिटको लागी अनलाइन फाइलिंग आवेदकहरुका केही कोटिहरुको लागी मात्र उपलब्ध छ। यदि आवेदक योग्य कोटी अन्तर्गत नपरेपनि अनलाइनबाट आवेदन फाइल गरेमा युएससीआईएसले शुल्क फिर्ता नगरी आवेदन अस्वीकार गर्न सक्ने जनाएको छ ।
कुन आवेदन अनलाइन फाइल गर्न सकिन्छ । थाहा पाउन यहाँ क्लीक गर्नुहोला ।