स्याङ्जा- २ मा पद्मा अर्याललाई पराजित गर्दै कांग्रेस उपसभापति गुरुङ विजयी
प्रकाशित मिति : मंसिर १७, २०७९ शनिबार
स्याङ्जा निर्वाचन क्षेत्र नं २ बाट प्रतिनिधिसभा सदस्यमा नेपाली काँग्रेसका केन्द्रीय उपसभापति धनराज गुरुङ विजयी भएका छन् । नेकपा एमालेकी केन्द्रीय सचिव पद्मा अर्याललाई पराजित गर्दै गुरुङ विजयी भएका हुन् ।
गुरुङले ३१ हजार ४ सय ६६ मत प्राप्त गरेर विजयी भए भने अर्यालले २५ हजार ८ सय ३९ मत ल्याएकी थिइन् । ५ हजार ६ सय २७ मतान्तर रहेको छ ।
राष्ट्रिय स्वतन्त्र पार्टीबाट उम्मेदवार बनेका टीकराज गुरुङले ८ हजार १ सय १३ मत ल्याएका छन् ।
स्याङ्जा–२ मा मतदान भएको १० दिनपछि मतगणना भएको थियो । विदेश गएका र मरेका व्यक्तिको नाममा मतदान भएको आरोप लगाउँदै एमाले लगायतका दलहरुले पुन मतदानको माग गरेपछि १० दिनसम्म मतगणना रोकिएको हो ।