‘राजनीतिक तनावपछि रिफ्रेस हुन’ प्रचण्ड परिवारसहित सुकुटेमा
प्रकाशित मिति : मंसिर १४, २०७९ बुधबार
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ परिवारसहित सिन्धुपाल्चोकको सुकुटेमा पुगेका छन् ।
परिवारका सदस्यसहित माओवादीका नेता लिएर प्रचण्ड सुकुटे पुगेका हुन् । राजनीतिक तनावपछि रिफ्रेस हुन सुकुटे पुग्ने गरेका प्रचण्ड अहिले निर्वाचनलगत्तै सुकुटे पुगेका हुन् ।
प्रचण्डसहितको टोलीले भोटेकोसीमा र्याफ्टिङ गरेका छन् । प्रचण्ड बुधबारको बास सुकुटेमै बिताएका छन् । छोरीद्वय रेणु र गंगासहित परिवारिक सदस्य, अग्निप्रसाद सापकोटालगायत माओवादी नेताहरु प्रचण्डसँगै रहेका छन् ।
साथै हालै सम्पन्न निर्वाचनमा सिन्धुपाल्चोक २ बाट निर्वाचित भएका माधव सापकोटा, प्रदेशसभामा निर्वाचित सरल सहयात्री पनि प्रचण्डको टोलीमा देखिएका छन् ।