Follow @khasokhasmag

इन्डोनेसियाको उत्तरी सुमात्रामा ५.८ म्याग्निच्युडको भूकम्प, एक जनाको मृत्यु


प्रकाशित मिति : आश्विन १५, २०७९ शनिबार

इन्डोनेसियामा फेरि भूकम्पको धक्का महसुस भएको छ । समाचार एजेन्सी रोयटर्सका अनुसार इन्डोनेसियाको उत्तरी सुमात्रा प्रान्तमा शनिबार बिहान ६.० म्याग्निच्युडको भूकम्प गएको छ । जसमा एक जनाको मृत्यु भएको छ ।

इन्डोनेसियाको उत्तरी सुमात्रा प्रान्तमा शनिबार ५.८ म्याग्निच्युडको भूकम्प गएको देशको मौसम विज्ञान तथा भूभौतिकी निकाय (बीएमकेजी) ले जनाएको छ । बीएमकेजी प्रमुख द्विकोरिता कर्णावतीले भूकम्पको धक्का निकै शक्तिशाली भएको बताए । जसमा नौ जना घाइते भएका छन् भने प्रदेशका विभिन्न क्षेत्रमा भूकम्पको धक्का महसुस गरिएको छ ।

बिहान २ बजेर २८ मिनेटमा भूकम्पको धक्का महसुस गरिएको उनले बताए । उनले भूकम्पबाट सुनामीको खतरा नरहेको तर पहाडी क्षेत्रमा पहिरो जान सक्ने चेतावनी दिइएको बताए ।

इन्डोनेसिया भूकम्पीय क्षेत्र हो। यहाँ बारम्बार भूकम्प जान्छ । यति मात्र होइन, इन्डोनेसियामा भूकम्प, ज्वालामुखी विष्फोट र सुनामी पनि प्रायः देखिन्छन् । जसका कारण यहाँ सधैं भूकम्पको जोखिम रहन्छ ।

फेब्रुअरीमा पश्चिम सुमात्रा प्रान्तमा गएको ६.२ म्याग्निच्युडको भूकम्पमा कम्तीमा २५ जनाको मृत्यु भएको थियो भने ४६० भन्दा बढी घाइते भएका थिए । यसअघि जनवरी २०२१ मा पश्चिम सुलावेसी प्रान्तमा गएको ६.२ म्याग्निच्युडको भूकम्पले १०० भन्दा बढीको ज्यान लियो र करिब ६,५०० घाइते भएका थिए।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com