२०२३ मा १ लाख २५ हजारसम्म शरणार्थी भित्राउने बाइडेनको योजना
प्रकाशित मिति : आश्विन १३, २०७९ बिहीबार
अमेरिकी राष्ट्रपति जो बाइडेनले सन् २०२३ को बजेट वर्षको लागि शरणार्थी प्रवेशमा १ लाख २५ हजारको बार्षिक सिमाबन्दी तोकेका छन् । यो बर्ष लक्ष्यभन्दा कममात्र शरणार्थीहरु भित्राइएपछि २०२३ का लाग यो सिमाबन्दी अझ बढाउन अधिकारकर्मीहरुले दवाव दिदै आएका थिए ।
शरणार्थी अधिकारकर्मीहरुले अमेरिकी शरणार्थी प्रवेश कार्यक्रमलाई पुनर्स्थापना गर्न बाइडेन प्रशासनलाई थप काम गर्न दबाब दिइरहेका छन्। चार दशक भन्दा बढी पुरानो कार्यक्रममा ट्रम्प प्रशासन अन्तर्गत भारी कटौती गरेर १५ हजारमा झारिएको थियो ।
बाइडेनले ट्रम्पको तुलनामा शरणार्थी भित्राउने सीमा चार गुणा बढाए, तर सेप्टेम्बर ३० मा समाप्त हुने यस बजेट वर्षमा हालसम्म २० भन्दा कम शरणार्थीहरू भर्ना भएका छन्।
त्यो संख्यामा लगभग १ लाख ८० हजार युक्रेनी र अफगानहरूलाई समावेश छैन । उनीहरु मानवीय पैरोल भनिने कानुनी प्रक्रिया मार्फत अमेरिका आएका थिए जसले उनीहरूलाई परम्परागत शरणार्थी कार्यक्रम भन्दा छिटो अमेरिकामा लगेर दुई वर्षसम्म बस्न अनुमति दिन्छ।
शरणार्थीहरूलाई अमेरिकामा स्थायी बसोबासको लागि बाटो प्रदान गरिन्छ। कति शरणार्थी भित्राउने भन्ने निर्धारण प्रत्येक वर्ष राष्ट्रपतिद्वारा निर्धारण गरिन्छ । १ लाख २५ हजारको लक्ष्य मानवीय रुपमा जायज रहेको राष्ट्रिय हितमा रहेको बाइडेनले बताएका छन् । ऐतिहासिक रूपमा प्रशासनका पालामा औषतमा ९५ हजार शरणार्थी भित्राइने गरिएको छ ।
बाइडेनले २०२३ को बजेट वर्षको लागि युरोप र मध्य एशियाका मानिसहरूका लागि थप ५ हजार शरणार्थी कोटा छुट्याएका छन् । जसले युक्रेनमा युद्धबाट भागेकाहरूलाई समायोजन गर्न ठाउँ बनाएको छ।
अफ्रिकाका शरणार्थीहरूका लागि सबैभन्दा ठूलो संख्या ४० हजार, दक्षिण एसियाबाट ३५ हजार र पूर्वी एशिया, युरोप र ल्याटिन अमेरिका प्रत्येकबाट १५ हजार शरणार्थीहरूका लागि छुट्याइएको छ ।