Follow @khasokhasmag

ग्रिनकार्डका लागि बुझाइने मेडिकल रिपोर्टमा ६० दिन पुरानो हस्ताक्षर भएपनि छुट दिने नियम विस्तार


प्रकाशित मिति : आश्विन १३, २०७९ बिहीबार

युएससीआईएसले ग्रिनकार्ड वा आप्रवासी भिसाका लागि बुझाइने मेडिकल रिपोर्टमा सिभिल सर्जनको हस्ताक्षर ६० दिन पुरानो भएपनि छुट दिने नियम विस्तार गरेको छ । सामान्यतया अध्यागमन सुविधाका लागि आवेदन दिंदा सिभिल सर्जनले मेडिकल रिपोर्टमा हस्ताक्षर गरेको ६० दिन नाघिसकेको भएमा त्यस्तो रिपोर्टलाई मान्यता नदिइने प्रावधान छ ।

तर गतबर्ष विगतको नियममा छुट दिदै हस्ताक्षर गरेको ६० दिनभन्दा बढी भएका मेडिकल रिपोर्ट समेत स्वीकार गरिने घोषणा गरिएको थियो । यस्तो छुट सेप्टेम्बर ३० मा समाप्त हुने तय भएकोमा अब त्यसलाई लम्बाएर सन् २०२३ को मार्च ३१ सम्म बनाइएको छ ।

कोरोना महामारीका कारण युएससीआईएसले गर्ने काममा ढिलाई भइरहेको र आवदकले समेत मेडिकल जाँच गर्ने लगायतका विषयमा ढिलाई भइरहेकाले युएससीआईएसले अस्थायी रुपमा ६० दिने नियममा छुट दिने व्यवस्था गरेको हो । यो छुट सन् २०२१ को डिसेम्बर ९ देखि लागु भएको थियो ।

सामान्यतया यो रिपोर्टले सिभिल सर्जनले हस्ताक्षर गरेको मितिले २ बर्षका लागि काम गर्छ । २ बर्षको अवधिभित्र युएससीआईएसले आवेदनबारे निर्णय दिन नसकेर उक्त अवधि नाघेको खण्डमा आवेदकले नयाँ मेडिकल रिपोर्ट बुझाउनुपर्ने प्रावधान रहको छ ।

ग्रिनकार्ड आवेदकहरुले अध्यामगन मेडिकल परीक्षा उत्तिर्ण गर्न र ग्रिनकार्ड प्राप्त गर्नका लागि अनिवार्य रुपमा कोरोनाबिरुद्धको भ्याक्सिन लगाउनुपर्ने नियम समेत कार्यान्वयनमा रहेको छ । त्यसै अनुशार युएससीआईएसले मेडिकल रिपोर्ट फर्म आई ६९९ मा पनि अपडेट गरेको थियो ।

अमेरिकाको अध्यागमन कानूनको १२१ ए १ अनुशार स्वास्थ्यबारेको प्रवेश निषेध आधारसँग समन्धित रहेर अध्यागमन मेडिकल जाँच हुने गरेको छ । अमेरिकामा आप्रवासी भिसा वा ग्रिनकार्ड आवेदन दिंदा स्वास्थ्य परीक्षण र भ्याक्सिनको रेकर्ड उल्लेख भएको मेडिकल रिपोर्ट आई ६९३ पेश गर्न आवश्यक हुन्छ । सामान्यतया स्वास्थ्यको आधारमा अमेरिकाको आप्रवासी सुविधाका लागि आवेदक अयोग्य नरहेको प्रमाणका रुपमा मेडिकल रिपोर्ट पेश गरिन्छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com