कर्मचारीलाई ऊर्जामन्त्रीको आग्रह- ‘कार्यालयमा राजनीति होइन्, पेशागत हकहितका कुरा गर्नुस्’
प्रकाशित मिति : आश्विन ७, २०७९ शुक्रबार
ऊर्जा, जलस्रोत तथा सिँचाइमन्त्री पम्फा भुसालले कर्मचारीलाई कार्यालयमा रहँदा राजनीति नगर्न आग्रह गरेकि छन् । नेपाल विद्युत प्राधिकरण राष्ट्रिय कर्मचारी यूनियनको ११ औं एकता अधिवेशनको उद्घाटन समारोहलाई सम्बोधन गर्दै उनले कार्यालयमा बस्दा पेशागत हकहित र प्राधिकरणको उन्नति–प्रगतिको मात्र कुरा गर्न आग्रह गरेकि हुन् ।
भुसालले आफू राजनीतिबाट आएको बताउँदै कर्मचारीलाई राजनीति गर्न नरोक्ने तर प्राधिकरणमा बस्दा राजनीति गर्न नपाईने बताईन् । उनले आफ्ना आवासिय क्षेत्र तथा भूगोलहरुमा आस्थाका विचारका राजनीतिका मैदानहरु खुल्ला राख्न सुझाईन् । पेशागत हकहित, वृद्धि विकास र विद्युत प्राधिकरणको विकास र जनतालाई दिने राहत, सेवा र सूविधालाई अझ उत्कृष्ट ढंगले लिए विवादित भएर ५ वटा यूनियन बन्न जरुरी नरहेको उनले जिकिर गरिन् ।
“तपाई राजनीति नगर्नुस भन्दिन, म पनि राजनीतिबाटै आएको हो । तर, नेपाल विद्युत प्राधिकरणमा बस्दा नगुर्नहोस् । यहाँ पेशागत हकहितको कुरा गर्नुहोस् । एनईएको उन्नति र प्रगतिको मात्र कुरा गर्नुहोस् । बाहिर जानुस, तपाईका आवासिय क्षेत्रहरु आवासिय भुगोलहरु, तपाईका आस्थाका विचारका राजनीतिका मैदानहरु त्यसलाई खुल्ला राख्नुहोस् ।”- उनले भनिन् , “यहाँ चाहि पेशागत हकहित, वृद्धि विकास र विद्युत प्राधिकरणको विकास र जनतालाई दिने राहत, सेवा र सूविधालाई अझ उत्कृष्ट ढंगले लिनुभयो भने यहाँ विवादित भएर ५ वटा यूनियन बन्न जरुरी छैन् ।”
मन्त्री भूसालले मंसिर ४ गते प्रदेश र संघको चुनावपछि यूनियनको निर्वाचनको घोषणा गर्ने बताउँदै आफूहरुलाई ४–५ जना नेता नचाहिएको उल्लेख गरिन् । उनले आधिकारीक रुपमा एउटा यूनियनमात्र बनाउन आग्रह गर्दै ६–७ वटा यूनियनका भेलाहरुमा जान बाध्यता हटाउन आग्रह समेत गरिन् ।
उनले भनिन्, “मंसिर ४ गते प्रदेश र संघको चुनाव आईसक्यो, चुनाव लगत्तै सम्भव भयो भने म अर्को नयाँ सरकार नबन्दैको बीचमा ४ गतेको निर्वाचनपछि सम्झव भएछ भने मैले व्यवस्थापनमा बोर्डमा सल्लाह गरेर निर्वाचनको घोषणा गर्नुस् । हाम्लाई ४–५ जना नेता यूनियनमा चाहिएको छैन्, एउटा नेता भए पुग्छ । हाम्रा साथीहरुको ६–७ वटा यूनियनका भेलाहरुमा जान नपरोस् । आधिकारीक रुपमा एउटा यूनियन, त्यो यूनियनको कार्यक्रममा मात्र जाने स्थिति सिर्जना होस् । सक्नुहुन्छ भने सबै मिलेर एउटा यूनियन बनाउनुहोस् ।”
मन्त्री भुसालले कर्मचारीको वृद्धि विकास, पेशागत हकहित , सुविधा र राहतको निम्ति सरकार सचेत र संवेदनशील रहेकोे स्पष्ट पारिन् । उनले विद्युत प्राधिकरणको नाफा बढ्दै गएको बताउँदै योगदान दिने कर्मचारीहरुलाई धन्यवाद दिँदै थप परिस्कृत भएर काम गर्नुपर्नेमा जोड दिईन् ।