१० हजार डलर ऋण मिनाहा गर्ने बाइडेन घोषणाबारे जान्नैपर्ने ३ कुरा
अमेरिकी राष्ट्रपति राष्ट्रपति जो बाइडेनले १० हजार डलरसम्म संघीय विद्यार्थी ऋण मिनाहा गर्ने घोषणा गरेका छन् । पेल अनुदान प्राप्तकर्ताहरूका लागि २० हजार डलरसम्मको ऋण मिनाहा हुनेछ । यसबारे जान्नैपर्ने तीनवटा मुख्य विषयहरु रहेका छन् ।
ऋण माफी कसले पाउने ?
अमेरिकामा अध्ययनका क्रममा विद्यार्थीहरुले लिएको सरकारलाई तिर्नुपर्ने करिब १ दशमलव १ दशमलव ६२ ट्रिलियन डलर ऋण छ । बाइडेनको योजनाले ती मध्ये धेरैलाई राहत प्रदान गर्नेछ । झण्डै ४३ मिलियन ऋणीहरुलाई राहत पुग्नेछ भने र झण्डै २० मिलियनको विद्यार्थी ऋण पूर्ण रूपमा माफी हुनेछ ।
संघीय विद्यार्थी ऋण भएका व्यक्तिहरू जसले प्रति वर्ष १ लाख २५ हजार डलर भन्दा कम कमाउँछन्, वा २ लाख ५० हजार भन्दा कम कमाउने जोडीहरू १० हजार डलरसम्म ऋण माफीको लागि योग्य हुनेछन् ।
यसमा हालका विद्यार्थीहरू पनि समावेश छन् । आश्रित विद्यार्थीहरू आफ्ना आमाबाबुको आयको आधारमा राहतको लागि योग्य हुनेछन्। अण्डर ग्रयाजुएट विद्यार्थीहरुका लागि अभिभावकले लिएको संघीय ऋण पनि राष्ट्रपतिको योजना अन्तर्गत मिनाहा हुनेछ । तर जुन ३०, २०२२ पछि लिएको ऋण भने मिनाहाका लागि योग्य हुने छैन।
पेल अनुदान प्राप्त गर्ने योग्य ऋणीहरु २० हजार डलरसम्म ऋण मिनाहाका लागि योग्य हुनेछन् । लगभग ६० प्रतिशत संघीय विद्यार्थी ऋण लिएकाहरुले पेल अनुदान प्राप्त गरेका छन् । यी अनुदानहरू कम आय भएका विद्यार्थीहरूलाई उच्च शिक्षाको लागि मद्दत गर्न डिजाइन गरिएको हो । संघीय विद्यार्थी ऋणहरू भएका लगभग एक तिहाइ स्नातकहरूले प्रत्येक वर्ष पेल अनुदानहरू प्राप्त गर्छन्।
के आवेदन दिनु पर्छ ?
धेरै ऋणीहरु समाचारको बारेमा उत्साहित भइरहँदा आवेदन दिन पर्ने नपर्नेबारे जान्न चाहन्छन्। ह्वाइट हाउसका अनुशार ऋण मिनाहाका लागि धेरै ऋणीहरुले आफ्नो आम्दानी प्रमाणित गर्न आवेदन पेश गर्नुपर्नेछ। शिक्षा मन्त्रालयले लगभग ८ मिलियन ऋणीहरुको आम्दानीको जानकारी फाइलमा रहेको जनाएको छ । उनीहरुको ऋण स्वतः मिनाहा हुनेछ ।
८ मिलियन ऋणीहरुको ऋण चाँडै मिनाहा हुनसक्छ । तर बाँकी झण्डै ३५ मिलियनले भने आवेदन दिनुपर्ने हुन्छ ।
आफूहरुले भत्किएको र पुरानो प्रणालीलाई सुधार गरिरहेको शिक्षा मन्त्रालयले जनाएको छ । प्रक्रिया सहज रूपमा चलाउन समय लाग्ने उनीहरुको भनाई छ ।
थप जानकारीको लागि यहाँ क्लीक गर्न र जानकारीमूलक इमेलहरूको लागि साइन अप गर्न आग्रह गरिएको छ ।
के मासिक भुक्तानी घट्नेछ ?
बाइडेनको घोषणाको एक महत्वपूर्ण अंश ठूलो मासिक भुक्तानी गर्न नसक्ने मानिसहरूलाई मद्दत गर्न डिजाइन गरिएको छ ।
यो योजनाले ऋणीहरुले प्रत्येक महिना तिर्नुपर्ने रकम घटाउनेछ । उनीहरुको आम्दानीको १० प्रतिशतसम्म तिर्नुपर्ने विगतको प्रावधानलाई हटाएर ५ प्रतिशतमात्र तिर्नुपर्ने प्रावधान बनाउनेछ ।
बाइडेनको ऋण माफीको घोषणाले धेरै ऋणीहरुको लागि तत्काल राहत ल्याउनेछ । तर मासिक रुपमा तिर्ने रकम घटाउने योजनाले वर्षौंसम्म फाइदा हुनेछ ।
