गठबन्धनमा सहमति भएपनि वाम गठबन्धनको ढोका खुला छ – झलनाथ खनाल
प्रकाशित मिति : श्रावण २७, २०७९ शुक्रबार
सत्ता साझेदार दल नेकपा (एकीकृत समाजवादी) का सम्मानित नेता झलनाथ खनालले वाम गठबन्धनको ढोका अझै खुला रहेको बताएका छन् । उनले मंसिर ४ गते हुने प्रतिनिधिसभा र प्रदेशसभाको निर्वाचनमा नेपाली कांग्रेस नेतृत्वको सत्ता गठबन्धनमा चुनावी तालमेल गर्ने सहमति भइसकेपछि पनि वामपन्थीहरुबीच कार्यगत एकताको पहल गर्न सकिने बताएका हुन् । एबीसी टेलिभिजनको कार्यक्रम ‘आउटलूक’ मा उनले अहिलेको सत्ता गठबन्धन नेतृत्वको सरकारप्रति चरम् असन्तुष्टि समेत पोखे ।
नेता खनालले भने, “स्थानीय तह निर्वाचनको प्राप्त भ्रमपूर्ण परिणामले कसैलाई जुरुक्कै उचालेको त, कसैलाई पछारेको छ । उनीहरुको दुइटै सिङ भाचिन्छ । पाँच दलीय गठबन्धनमा यति मत पाएँ भनेर घमण्ड गर्ने औचित्य देख्दिनँ ।”
यही कुराको आधारमा तालमेल हुनै नसक्ने दाबी समेत उनले गरे । “यसरी तालमेल गर्न खोज्यौं भने तालमेल हुदै, हुँदैन । म अहिले ठोकेर भन्छु । २०७४ को चुनावमा जे परिणाम छ, त्यो यथार्थ हो”, उनले भने ।
अबको युग समाजवादी क्रान्तीको युग भएकाले वामपन्थी मिलेर अगाडि बढ्नुको विकल्प नभएको भन्दै उनले यसका लागि नेताहरुले गम्भिरतापूर्वक सक्रियता देखाउनपर्ने बताए । वाम पार्टीको एकताको सम्भावना एकदमै कम भएपनि असम्भव नभएको भन्दै उनले गम्भिर मतभिन्नताका बाबजुद पनि कांग्रेससँग एकता गर्न मिल्ने र कमल थापासँग गठबन्धन गर्ने एमाले पनि वाम गठबन्धनका लागि सकारात्मक बन्नुपर्ने धारणा उनको छ । यसका लागि व्यक्तिगत आग्रह, पूर्वाग्रह र बदलाको भावनाले काम गरिरहेको चर्चा उनले गरे ।
उनले भने, “केही दिनअघि केपी ओलीसँग त मेरो जम्का भेट पनि भयो । स्वास्थ्यको खबर, हाइ, हेल्लो भयो । तर, त्यो केही रेस्पोन्स भएन । त्यसैले यो महसुस भएकाहरुबीच मिलेर जाउँ भन्ने हो ।”
वाम आन्दोलन निकै चुनौतीपूर्ण अवस्थामा रहेकोले यसलाई बुद्धिमतापर्र्वक अवसरमा पनि बदल्न सकिने उनले बताए । कम्युनिष्ट आन्दोलनमा चुनौती र अवसर पनि रहेको भन्दै उनले जाने श्रीखण्ड र नजाने खुर्पाको बीड भन्ने प्रसंग जोडे । वाम पोलिटिकल पार्टीले राम्रोसँग बुद्धि पु¥याएर एउटै स्टन्टमा उभिए उनीहरुको आफ्नै शक्ति सिमन्टेट हुने आश्यकता पर्दा अझ निकट हुने र यसले पार्टी एकीकरणको समभावनाको ढोका मात्रै खोल्ने होइन कि, उत्तर र दक्षिणतिरको शक्तिको बार्गेनिङ पावर पनि बढ्ने खनालले उल्लेख गरे । एमाले एक्र्ल लडेपनि बहुमत नआउने उनले भने । यसले राष्ट्रिय हितमा समेत बल पुग्ने उनले बताए ।
विगतमा नेकपाको बहुमत सरकारले पनि राष्ट्रहितमा संवेदनशीलता नदेखाएको र एमसीसीका सम्बन्धमा ओली सरकार पनि संलग्न रहेको उनले बताए । उनले भने, “अगाडिको सरकारले पनि राष्ट्रियताको मामिलामा अडान लिन सकेन ।”
राती राती गुप्तचर भेटघाट, त्यसैले त्यो बेला विद्रोह भयो । गठबन्धनको सरकार बन्यो । देशले राजदूत नियुक्ति गर्ने शिलशिलामा पश्चिमा देशको सबै गर्दा चीनको लामो समय राजदूत नियुक्ति गरिएन । ढिलाइ भइरह्यो । युक्रेन घटनामा भारत र चीन नबोलेकै अवस्थामा नेपालले बोल्न हतार गरेको उनले बताए ।
यी लगायत अमेरिकाको प्रस्तवमा खुसी पार्ने ढंगबाट सहमति जनाउनु बेठीक रहेपनि यही ढंगबाट नेतृत्व अघि बढिरहनुपर्ने अवस्था भएको उनको भनाइ छ । उनले आगामी चुनावमा केही दिन अघि बालुवाटारमा तालमेल गर्ने सहमति भएको र यसका लागि कार्यदल बनाएर भदौको पहिलो हप्तासम्म टुंगो लगाउने कुरा भएको बताए । तर,यसलाई कसरी कार्यान्वयन गर्ने र टुंगोमा पु¥याउने भन्नेबारे छलफल भइरहेको उनको भनाइ छ ।