Follow @khasokhasmag

अमेरिकाले ताइवानलाई १ दशमलव ४२ बिलयनको हतियार बेच्ने


प्रकाशित मिति : असार १८, २०७४ आईतबार

अमेरिकाले ताइवानलाई १ दशमलव ४२ बिलियन डलरको हतियार बेच्ने तयारी गरेको अमेरिकी विदेशमन्त्रालयले पुष्टी गरेको छ । चीनको सहयोगमा उत्तर कोरियामाथि लगाम लगाउने अमेरिकी प्रयास भइरहदा ट्रम्प प्रशासन अन्तरगतको यो पहिलो ब्यापारले चीनलाई आक्रोशित बनाउनसक्ने देखिएको छ ।

ताइवानलाई बेचिने प्याकेजमा ताइवानको आत्मरक्षा क्षमता बढाउने खालका पूर्व सुचना दिने राडार, उच्च गतिका विकिरणरोधक मिसाइल र मिशाइलका भागहरु लगायत रहेका छन् । तर अमेरिकी विदेशमन्त्रालयका प्रवक्ताले ताइपेइलाई नभई बेइजिङलाई मान्ने अमेरिकाको एक चीन नीतिमा भने परिवर्तन नआएको बताएकी छिन् ।

कँग्रेशको स्वीकृति चाहिने उक्त बिक्री ट्रम्प प्रशासनको माताहतमा ताइवानका लागि पहिलो भएपनि यसअगाडि २०१५ को डिसेम्बरमा ओबामा प्रशासनले १ दशमलव ८३ बिलियन डलरको हतियार ताइवानलाई बेच्न स्वीकृति दिएको थियो । ताइवानको रक्षा मन्त्रालयले अमेरिकाबाट ल्याइने हतियारले ताइवानको हवाई र सामुद्रिक युद्धको क्षमता बढाउने बताएको छ । तर चीनले भने ताइवानसँग अमेरिकाले बढाएको सम्बन्ध सन् १९७९ मा अमेरिकाले स्वीकार गरेको एक चीन नीतिको बिरुद्ध रहेको भन्दै आक्रोश व्यक्त गर्दै आएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com