२० वर्षमुनिका गर्भवती २५ प्रतिशत

प्रकाशित मिति : असार १८, २०७४ आईतबार

असार १८, २०७४

कानुनत: २० वर्षअघि विवाह गर्न बन्देज छ । तर, दमौली अस्पतालमा प्रसूति गराउनेमा २५ प्रतिशत महिला २० वर्षमुनिकै छन् । २० वर्षभन्दा कम उमेरमा गर्भवती भएका उनीहरूको विवाह भने १६ देखि १८ वर्षमा भएको पाइएको जिल्ला स्वास्थ्यको अनुमान छ । ‘कम उमेरमा विवाह नगर्न सल्लाह दिए पनि अझै उमेर नपुगी विवाहको चलन रोक्न सकिएन,’ दमौली अस्पतालका प्रमुख डा. पवनजंग रायमाझीले भने, ‘सानो उमेरको विवाहले उनीहरूको स्वास्थ्यमा पनि असर परेको छ ।’ स्वास्थ्य शिक्षाबारे विद्यालय तहमै बढी जानकारी गराउनुपर्ने उनले बताए ।
अस्पतालको तथ्यांकमा प्रसूति गराउनेमध्ये केही १४ वर्ष उमेरका किशोरी पनि छन् । ‘स्वास्थ्यको दृष्टिले चिन्ताजनक विषय भएकाले उनीहरूलाई सम्झाइबुझाइ पठाउने गरेका छौं,’ उनले भने, ‘कम उमेरमा गर्भवती हुँदा समस्या पर्ने सम्झाउन महिला स्वास्थ्य स्वयंसेविकाको सहयोग लिने योजना छ ।’ २० वर्षदेखि ३५ वर्षसम्म मात्र गर्भवती हँुदा स्वास्थ्य राम्रो हुने उनको सुझाव छ ।
३५ भन्दा माथिको उमेर पनि प्रसूतिका लागि उपयुक्त नभएको स्वास्थ्यको सुझाव छ । १९ वर्षभन्दा कम र ३५ भन्दा माथिको उमेरमा गर्भवती हुँदा मृत्युको जोखिम धेरै हुने जानकारी ग्रामीण तहसम्म पुर्‍याउन संयन्त्र बनाएको उनले बताए । कम उमेरका, हिंसाको सिकार भएकाले गर्भवतीलाई अस्पतालमा आधारित एकद्वार संकट व्यवस्थापन केन्द्रमार्फत नि:शुल्क उपचार गरिने सम्पर्क अधिकृत ऐश्वर्य भट्टराईले बताए । अस्पतालमा विभिन्न हिंसामा परेका तथा कम उमेरमा गर्भवती भएकाले जटिलता खेपेर आउने ६० जनाको हाराहारी भएको उनी बताउँछन् ।
पीडितका लागि अस्पतालले एक मनोसामाजिक परामर्शकर्तासहित ३ स्वास्थ्यकर्मीको व्यवस्था गरेको छ । त्यस्तै एकद्वार उपचारका लागि जिल्ला न्यायधिवक्ता, प्रहरीको महिला सेल, महिला विकास कार्यालय र बार एसोसिएसनलगायत संस्थाबाट अस्पतालमै आएर सेवा दिने व्यवस्था छ । ‘कानुनी उपचार चाहिए जिल्ला न्यायाधिवक्ताले पनि अस्पतालको केन्द्रमै आएर सहयोग गर्नुहुन्छ,’ उनले भने, ‘प्रहरीले गर्ने अनुसन्धानलाई पनि अस्पतालमै गर्ने व्यवस्था गरिएको हो ।’ पीडितले कानुनी, स्वास्थ्य र मनोसामाजिक परामर्शसमेत एउटै स्थानबाट पाउने व्यवस्थाले गोप्यता राख्न पनि सकिएको उनले बताए ।
२ शय्या, मनोसामाजिक परामर्श कक्षसहितको कार्यालय अस्पतालले छुटयाएको छ । अभियानलाई समुदायमा प्रयोग गर्न हरेक विद्यालयमा महिला शिक्षिकालाई लैंगिक सम्पर्क व्यक्ति तोकिएको छ । महिला तथा बालबालिका कार्यालयले हरेक गाविस तहमा महिलाहरूकै अगुवाइमा निगरानी समूह पनि बनाएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com