अब अमेरिका आउने १०५ देशका नागरिक कडा जाँचमा पर्ने

प्रकाशित मिति : असार १५, २०७४ बिहीबार

अमेरिकाले अमेरिका आउने विमानका यात्रुहरुको जाँचबुझको मापदण्डमा बुधबारदेखि अझ कडाई गरेको छ । ८ वटा मुस्लिम बाहुल्य देशहुँदै अमेरिका आउने विमानमा यात्रुहरुलाई ह्याण्डक्यारीमा ल्यापटप ल्याउनमा लगाइएको प्रतिबन्ध कायम राख्दै थप कडा जाँचबुझ थपिएको हो ।

गत मार्चमा विभिन्न ८ वटा मुस्लिम बाहुल्यदेशहुँदै अमेरिकामा आउने यात्रुहरुले आफ्नो साथमा रहने ह्याण्डक्यारीमा ल्यापटप जस्ता सामाग्रीहरु ल्याउनमा प्रतिबन्ध लगाइएको थियो । नयाँ मापदण्ड अनुशार अब विश्वका १०५ वटा देशबाट अमेरिका आउने यात्रुहरुका ल्यापटप, मोबाइल, क्यामेरा जस्ता सामाग्रीहरुको कडा जाँच गरिनेछ । ती देशबाट आउने यात्रुहरुलाई पनि छानविनका लागि नयाँ र कडा मापदण्ड बनाइएको छ ।

नयाँ मापदण्ड अनुशार यात्रु र विद्युतीय उपकरणको छानविनमा कडाईमात्र गरिएको छैन, एयरक्राफ्ट र यात्रुका क्षेत्रमा सुरक्षा प्रोटोकल बढाइएको छ । नयाँ मापदण्ड अनुशार कुकुरमार्फत गरिने जाँचबुझ पनि कडा बनाइएको छ ।

बुधबारदेखि लागु नयाँ नियमबाट विभिन्न १०५ देशका २८० विमानस्थलबाट १८० एयरलाइन्सहुँदै अमेरिका आउनेहरु प्रभावित हुनेछन् । ती देशहरुबाट औषतमा हरेक दिन २१ सय उडान हुने गरेको र ३ लाख २५ हजार यात्रु अमेरिका आउने गरेको अमेरिकी सरकारले जनाएको छ ।

आतंकवादी समुहहरुले लगातार विमानबाट यात्रा गर्नेहरुलाई निशाना बनाइरहेको सुचनाका आधारमा सुरक्षा प्रबन्ध बढाउन यसो गरिएको अमेरिकी सरकारको होमल्याण्ड सेक्युरिटीका सेक्रेटरी जोन केलीले जनाएका छन् ।

यसअगाडिको विद्युतीय सामाग्री प्रतिबन्धबारेको नियममा टर्की, मोरक्को, जोर्डन, इजिप्ट, युएई, कतार, साउदी अरेयिबा र कुवेतहुँदै अमेरिका आउने यात्रुहरुलाई स्मार्टफोनभन्दा ठूला उपकरण क्याबिनमा बोक्न प्रतिबन्ध लगाइएको थियो ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com