न्युयोर्कको रिजउड नेपाली समाजले १९ लाख ९० हजारको भवन किन्ने, कबोल रकम उपलब्ध गराउन अनुरोध
प्रकाशित मिति : असार १२, २०७९ आईतबार
न्युयोर्कको रिजउड नेपाली समाजले १९ लाख ९० हजारको भवन किन्ने सम्झौता गरेको जनाएको छ । अहिलेको जग्गा बेचेर तीन ब्लक नजिकै रहेको ४ वटा अपार्टमेन्ट, एउटा कार्यालय र एउटा हल रहेको भवन किन्ने सम्झौता भएको रिजउड नेपाली समाजका अध्यक्ष राजेश भट्टले जानकारी दिए ।
जग्गामा भवन निर्माण कार्य कोरोना महामारीका कारण अगाडी बढाउन नसकेको समाजको दावी छ । गतबर्षको जुन ५ मा भएको साधारणसभाले जग्गा बेचेर भवन किन्ने निर्णय गरे अनुरुप अहिलेको जग्गा ९ लाख ९९ हजार डलरमा बेचेर लगभग सोही क्षेत्रफलकै नयाँ भवन किन्ने सम्झौता भएको जनाइएको छ ।
२ महिना भित्र जग्गा बिक्री र नगद गरी नपुग रकम पुरागर्नुपर्ने भएकोले सन् २०२० र २०१७ को महापुराणमा दाताहरुले बोलकवोल गरेको रकम यथाशीघ्र उपलब्ध गराएर न्युयोर्कमा नेपालीहरुको आफ्नै मन्दिर तथा सामुदायीक भवन स्थापना गर्नको लागी सहयोग गर्न अनुरोध गरिएको छ । दाताहरुको सुबिधा अनुसार नगद, चेक, सिधा डिपोजिट, डेबिट कार्ड, क्रेडिट कार्ड वा पेपलको माध्यमबाट दान गर्न सकिनेछ ।