Follow @khasokhasmag

पर्यटन मन्त्री आले र शहरी विकास मन्त्री  झाक्रीले दिए राजीनामा


प्रकाशित मिति : असार १२, २०७९ आईतबार

सरकारमा सहभागी मन्त्रीलाई फिर्ता बोलाउने निर्णय गरेको २० दिनपछि नेकपा एकीकृत समाजवादीका दुई मन्त्रीले राजीनामा दिएका छन् । मन्त्रालयमा पत्रकार सम्मेलन गरी संस्कृती, पर्यटन तथा नागरिक उडड्यन मन्त्री प्रेम आले र शहरी विकास मन्त्री रामकुमारी झाक्रीले राजीनामा दिएका हुन् ।

पत्रकार सम्मेलनमा पर्यटन मन्त्री आलेले आफू मन्त्रालयगत काममा ९० प्रतिशत सफल भएको दाबी गर्नुभयो । आफूले एक्सन मन्त्रीको उपमा समेत पाएको भन्दै उहाँले यो अवधिमा पार्टीका नेताको दवाबका कारण नियुक्तीमा केही नराम्रा मान्छेलाई पनि नियुक्ती दिनु परेको बाध्यता बताउनुभयो । शहरी विकास मन्त्री झाँक्रीले पनि मन्त्रालयमा पत्रकार सम्मेलन गर्दै हालसम्म गरेका कामको विवरणसहित राजीनामा दिनुभएको हो । समाजवादीका अन्य मन्त्रीले पनि पार्टी अध्यक्ष माधव नेपाललाई राजीनामा बुझाएको बताएका छन् ।

योसँगै मन्त्री परिषद् हेरफेरको तयारी भएको छ । समाजवादीले यसअघि टुंगो लगाएका व्यक्तिहरुलाई नै मन्त्री बनाउन प्रधानमन्त्री समक्ष सिफारिस गरेको छ । पार्टीले दिएको नाम प्रधानमन्त्री शेरबहादुर देउवाले राष्ट्रपति विद्यादेवी भण्डारी समक्ष पेश गर्नुभएको छ । एकीकृत समाजवादीले स्वास्थ्यमन्त्री विरोध खतिवडा, पर्यटनमन्त्री प्रेमबहादुर आले, सहरी विकास मन्त्री रामकुमारी झाँक्री र श्रममन्त्री कृष्णकुमार श्रेष्ठलाई फिर्ता बोलाउने निर्णय गरिसकको छ ।

अब राज्यमन्त्री रहको भवानी खापुङलाई स्वास्थ्य तथा जनसंख्या मन्त्री, जीवनराम श्रेष्ठलाई संस्कृति, पर्यटन तथा नागरिक उड्डयन, मेटमणि चौधरीलाई सहरी विकास र शेरबहादुर कुँवरलाई श्रम, रोजगार तथा सामाजिक सुरक्षा मन्त्री बनाइने भएको छ । त्यस्तै, स्वास्थ्य राज्यमन्त्रीमा हिरा केसीलाई बनाउने नेकपा एसले निर्णय गरेको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com