Follow @khasokhasmag

अण्डरग्राउण्ड भण्डारमा कागजात बन्द हुँदा नागरिकता आवेदन ढिलो भएपछि युएससीआईएसविरुद्ध मुद्दा


प्रकाशित मिति : जेष्ठ १२, २०७९ बिहीबार

युएससीआइएसले कागजातहरु अण्डरग्राउण्ड भण्डारमा राखेका कारण नागरिकता आवेदनमा निर्णय आउन ढिलो भएका १३ जनाले अदालतमा मुद्दा दायर गरेका छन् । युएससीआईएसले कागजातहरु अण्डरग्राउण्ड भण्डारमा राख्दा कोरोना महामारीमा ती भण्डारहरु खोल्न नसक्दा कैयन आवेदनमा ढिलाई भएको थियो ।

मुद्दा दायर गरेकाहरुको नागरिकता आवेदन २ बर्षदेखि पेन्डिङ अवस्थामा रहेको छ । आफू अमेरिकामा सन् २०१५ मा आएको र सन् २०२० को अप्रिलमा नागरिकताका लागि आवेदन दिएपनि अहिलेसम्म निर्णय नआएको मुद्दा दायर गर्ने मध्येको एक इराकी मूलका अलि मोहम्मदले बताए ।

बुधबार उनीहरुले संघीय सरकारविरुद्ध आवेदनमा अकारण ढिलाई गरेको भन्दै मुद्दा दायर गरेका हुन् । मुद्दा दायर गर्नेहरु सबै ग्रिनकार्डवाहक हुन् भने उनीहरुले सन् २०२० को वशन्तमा अमेरिकी नागरिकताका लागि आवेदन दिएका थिए ।

बोस्टनको डिस्ट्रिक्ट कोर्टमा अमेरिकन इमिग्रेशन काउन्सिलका तर्फबाट १३ जनाको प्रतिनिधित्व गर्दै मुद्दा दायर गरिएको जनाइएको छ । युएससीआईएसले कागजी प्रकृया पूरा गर्नुपर्ने कागजात अण्डरग्राउण्ड भण्डारणमा राखेको र महामारीका बेलामा ती भण्डारणहरु बन्द भएकाले कैयन आवेदनबारे निर्णय हुन नसकेको गत जनवरीमा समाचार आएको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com