बेलायती संसदमा साइबर हमला


प्रकाशित मिति : असार १०, २०७४ शनिबार

बेलायती संसद साइबर हमलाको शिकार भएको छ । संसद सदस्य र उनीहरुका कार्यालयहरुलाई लक्ष्यीत गरेर ह्याकरहरुले साइबर हमला गरेका छन् । ह्याकरहरुले सांसदहरुका इमेल एकाउन्टहरुलाई लक्ष्यीत गरेकाले कैयन इमेलहरुमा समस्या आएको छ ।

साइबर हमला कसले र किन गरेको हो भन्नेबारे अनुसन्धान भइरहेको छ । यसभन्दा अगाडिको साइबर हमलामा ह्याकरहरुले संसद सदस्यहरुका कम्युटरहरुमा पहुच कायम गर्न नक्कली इमेल पठाएका थिए । इमेल खोलेपछि कम्प्युटरमा पहुच कायम गर्न ह्याकरहरुलाई सहज भएको थियो । तर यसपटक भने सबै संसदीय इमेलहरुलाई ह्याकरले निशाना बनाएका छन् ।

रुसी ह्याकरहरुले गतसातामात्र बेलायती राजनीतिज्ञ, प्रहरी अधिकारीहरु र कुटनीतिज्ञहरुका पासवर्डहरुको कारोबार गरेको टाइम्सले रिपोर्ट प्रकाशित गरेको थियो । संसदका प्रवक्ताले संसदीय इमेल ठेगानामा पहुच कायम गर्न ह्याकरहरुले अनाधिकृत प्रयास गरेको पुष्टी गरेका छन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com