Follow @khasokhasmag

प्रतिनिधिसभाका रिपब्लिकन सांसदबाट कागजपत्रविहिनलाई अमेरिका प्रवेश रोक्ने बिल सार्वजनिक


प्रकाशित मिति : बैशाख ३१, २०७९ शनिबार

अमेरिकी संसदको तल्लो सदन प्रतिनिधिसभाका रिपब्लिकन सांसदहरुले कागजपत्रविहिनलाई अमेरिका प्रवेशमा रोक लगाउने बिल सार्वजनिक गरेका छन् । टेक्सासका रिपब्लिकन सांसद चिप रोयको नेतृत्वमा यो बिल ल्याइएको हो ।

मेक्सिकोको सिमाक्षेत्रबाट कागजपत्रविहिन आप्रवासीहरु अमेरिका आउने समस्याबाट संकट बढिरहेको अवस्थामा यो बिल ल्याइएको हो । सिमा सुरक्षा बिल २०२२ नाम दिइएको यो बिलमा होमल्याण्ड सेक्युरिटीका सेक्रेटरीलाई सिमा नियन्त्रण गर्न आवश्यक ठानेको खण्डमा अमेरिकामा कागजपत्रविहिनको प्रवेश रोक्ने अधिकार प्रदान गरिएको छ ।

यो बिल पारित भएमा डिपार्टमेन्ट अफ होमल्याण्ड सेक्युरिटीका प्रमुखले आप्रवासन र राष्ट्रियता ऐनमा व्यवस्था भए अनुशार कागजपत्रविहिनलाई थुनामा राख्न नसकेको खण्डमा कागजपत्रविहिन आप्रवासीहरूको प्रवेश निलम्बन गर्नुपर्ने व्यवस्था गर्नेछ । होमल्याण्ड सेक्युरिटीका सेक्रेटरीले उक्त आवश्यकतालाई पालना नगरेमा पालना गर्नका लागि उनीबिरुद्ध कानुनी कदम चाल्न सकिने व्यवस्था समेत गरिएको छ ।

बिलमा १७ जना रिपब्लिकन सांसदहरुले हस्ताक्षर गरेका छन् । रिपब्लिकनहरुले सिमा संकट समाधानका लागि विभिन्न उपायहरु सुझाइरहँदा यो बिल आएको हो ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com