नेपालमा थप ११ जना संक्रमितको मृत्यु, १ हजार ३८६ नयाँ बिरामी थपिए
प्रकाशित मिति : माघ २३, २०७८ आईतबार
मुलुकभर पछिल्लो २४ घण्टामा १ हजार ३८६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९ हजार २५१ जनाको आरटी–पीसीआर र एन्टिजेन विधिबाट परीक्षण गर्दा १ हजार ३८६ जनामा कोरोना संक्रमण पुष्टि भएको हो ।
मन्त्रालयका अनुसार ६ हजार ४४३ जनाको आरटी–पीसीआर विधिबाट परीक्षण गर्दा १ हजार १८३ जना र २ हजार ८०८ जनाको एन्टिजेन विधिबाट परीक्षण गर्दा २ सय ३ जनामा कोरोना संक्रमण पुष्टि भएको हो ।
त्यस्तै पछिल्लो २४ घण्टामा थप ११ संक्रमितको मृत्यु भएको छ, भने ८ हजार ७०४ जना डिस्चार्ज ९निको० भएका छन् । यसैबीच पछिल्ले समय ७९ हजार ९५९ जनाले कोरोनाविरुद्धको खोप लगाएका छन् । हाल नेपालमा ४५ हजार २४८ जना सक्रिय संक्रमित रहेका स्वास्थय मन्त्रालयले जनाएको छ ।