गौतमबुद्ध अन्तर्राष्ट्रिय विमानस्थलमा ‘ग्राउण्ड क्यालिब्रेसन’ सुरु, परीक्षण उडान फेब्रुअरीको मध्यमा
प्रकाशित मिति : माघ १२, २०७८ बुधबार
– चेतन पन्त/ भैरहवा
गौतमबुद्ध अन्तर्राष्ट्रिय विमानस्थल संचालन सम्बन्धि सबै काम पूरा भएपछि बुधवारबाट परीक्षणको काम सुरु गरिएको छ । विमानस्थलमा उडान अवतरण सम्बन्धि सम्पूर्ण उपकरणको परीक्षणका लागि ग्राउण्ड क्यालिब्रेसन सुरु भएको छ ।
रनवेबाट संचार उपकरण सहित विशेष गाडीले चेकजाँचपछि आकाशमा विशेष विमानले परीक्षण उडान गर्नेछन् । त्यसका लागि थाइल्याण्डबाट आएका ४ जना विशेषज्ञले काम गरिरहेका छन् । यो कुनैपनि नयाँ वा पुराना विमानस्थलको नियमित प्रकिया भएको विमान स्थलको आईसीबीटु योजना प्रमुख प्रवीण न्यौपानेले बताउनु भयो ।
विमानस्थललाई आइसीबी २ अनतर्गत नै पूर्व सम्झौता अनुरुप एरो थाई कम्पनीले अन्तर्राष्ट्रिय उड़ानका लागि नयाँ रनवे र त्यसमा जडित विभिन्न लाईट, संचार उपकरण, मौसमबारे जानकारी दिने यन्त्र आदि चेक जाँच शुरु गरेको हो । एरो थाइले क्लालिब्रेसन फ्लाईट गर्ने अनुमति पाएसँगै परीक्षण उडानको सम्पूर्ण तयारी अन्तिम चरणमा पुगेको छ ।
फेब्रुअरी महिनाको मध्यमा परीक्षण उडान हुने जनाइएको छ । त्यसबीचमा प्राधिकरणले अन्तर्राष्ट्रिय हवाई उड़ान का लागी आन्तरिक तयारी गर्नेछ ।
एरो थाईले प्राविधिक जनशिक्तसहित नेपालमा जहाजबाट सवै प्रक्रिया पूरा गरी क्लालिब्रेसन फ्लाइट गरेपछि नेपालकै वाइड बड़ी जेटबाट परीक्षण उडान गर्ने तयारी गरिएको विमानस्थलका महाप्रबन्धक गोविन्द प्रसाद दाहालले बताउनु भयो ।
दाहालले अन्तर्राष्ट्रिय विमानस्थलका लागि १ सय ५० भन्दा बढी कर्मचारी पनि आईसकेको जानकारी गराउनुभएको छ । क्यालिबेरेशन फ्लाइट भनेको विमानस्थलको ग्राउन्ड र जहाजबीचको सूचना आदानप्रदान सही छ, छैन भनेर जाँच गर्ने हो। जसका लागि एरो थाईले जहाज नै ल्याएर उडान अवतरण गरेर परिक्षण गर्नेछ भने यो एकसातासम्म जारी रहनेछ ।
आइसीबी २ का प्रोजेक्ट म्यानेजर प्रविण न्यौपानेका अनुसार क्यालिब्रेसन फलाइट हुनु अगावै त्यहाँको टिमले ग्राउण्ड परिक्षण, सवै सिस्टमहरु जडानको प्रक्रिया ठीक छ वा छैन जाँच गरेपछि क्यालिब्रेसन फलाइट ल्याइने छ । क्यालिब्रेसन फलाइट चेकअप पछि अन्तराष्ट्रिय उडान अनुमतिका लागी नेपाल नागरिक हवाई उड्डयन विभागले अन्तराष्ट्रिय हवाई उड्डयन संघ आईकाओसँग पत्राचार गरनेछ ।
झण्डै २ महिनाको कागजी प्रकिया पछि यस विमानस्थलले अन्तराष्ट्रिय विमान स्थलको मान्यता पाउने छ । त्यसपछि अन्तराष्ट्रिय क्षेत्रमा नियमित र चार्टड उडान गर्न सकिनेछ । गौतमबुद्ध अन्तर्राष्ट्रिय विमानस्थलको भौतिक प्रगति ९८ प्रतिशत भन्दा बढि रहेकोछ ।
हाल विमान स्थलको पूरानो टर्मिनलको रंगरोगन, पार्किंग, फुलवारी सजावट पनि गरिदैछ । जुन अन्तराष्ट्रिय उडान पछि आन्तरिक उडानमा प्रयोग गरिनेछ ।
१५ जनवरी २०१५ मा सुरु भएको आयोजना एडिबीको ४० दशमलव ५ प्रतिशत ऋण तथा १८ प्रतिशत अनुदान, ओपेक फन्ड फर इन्टरनेसनल डेभलपमेन्ट्सको ३० दशमलव ५ प्रतिशत ऋण र नेपाल नागरिक उड्डयन प्राधिकरणको ११ प्रतिशत लगानी अर्थात ६ अर्ब ८२ करोडको ६ अर्व ८२ करोड ४० लाख ८६ हजार ८ सय ८४ रुपैया ३२ पैसाको लगानीमा बन्दैछ ।
निर्माणाधिन आइसीबी १ स्तरको विमानस्थल चिनिया कम्पनि नर्थवेस्ट सिभिल एभिएसन एयरपोर्ट कन्स्ट्रक्सन ग्रुपले गरिरहेको छ । यस्तै आइसीबी –२ अन्तरगत विमानस्तथलमा जडान हुने उपकरणहरुका लागि पनि करिब ५० करोड लगानी रहेको छ । आइसीबी –२ अन्तर्गतको काम थाइल्यान्डको एरो थाई कम्पनीले गरिरहेको छ ।
नेपाल सरकारले यस विमानस्थलको जग्गा अधिग्रहणमा मात्र २३ अरब भन्दा बढी लगानी गरेको छ ।