डा. बाबुराम भट्टराईलाई कोरोना संक्रमण !
प्रकाशित मिति : माघ १२, २०७८ बुधबार
जनता समाजवादी पार्टी (जसपा) नेपालका संघीय परिषद्का अध्यक्ष तथा पूर्व प्रधानमन्त्री डा. बाबुराम भट्टराईलाई कोरोना संक्रमण भएको छ । बुधबार सामाजिक सञ्जाल फेसबुकमार्फत उहाँले आफूलाई दोस्रोपटक कोरोना संक्रमण भएको जानकारी दिनुभएको हो
डा. भट्टराईले आफूनिकट सम्पर्कमा आएकाहरुलाई सतर्कता अपनाउन पनि आग्रह गर्नु भएको छ । उहाँले भन्नुभएको छ, ‘सतर्कता अपनाउॅदा अपनाउॅदै पनि मलाई दोश्रो पटक कोरोनाको संक्रमण भएको छ , केही समय यता निकट सम्पर्कमा आउनुभएकाहरू सतर्क रहनुहोला ! लक्षण सामान्य छ ! केही दिन आइसोलेसनमा रहनेछु ! असुविधाकोनिम्ति क्षमा चाहन्छु।’
यस्तैगरी नेपालमा कोरोनाका सक्रिय संक्रमित ९० हजार ६७ जना पुगेका छन् ।
मन्त्रालयका अनुसार हालसम्म ६१ लाख ११ हजार २१३ जनाको परीक्षण भएकामा जम्मा १० लाख ५४ हजार ८८ जनामा कोरोना पुष्टि भएको छ ।
यस्तै संक्रमितमध्ये ८ लाख ३१ हजार ७१२ जना निको भएका छन् । यस्तै हालसम्म ११ हजार ६७२ जनाको मृत्यु भएको पनि मन्त्रालयले जनाएको छ । हालसम्म कुल जनसंख्याको ४१ प्रतिशत जनसंख्याले पुर्ण खोप पाइसकेको मन्त्रालयले जनाएको छ ।