३५ बर्ष ननाघेकालाई अमेरिकाका २५ उत्कृष्ट सहरहरु
प्रकाशित मिति : जेष्ठ २५, २०७४ बिहीबार
अमेरिकाका २५ वटा उत्कृष्ट सहरहरुको सुची तयार पारिएको छ । ग्रोवेलाका अनुशार विभिन्न ६ वटा मापदण्डका आधारमा त्यो सुची तयार पारिएको हो । सुरुवाती स्तरका जागिरको उपलब्धता, यात्रा गर्दा खर्च हुने समय, सार्वजनिक यातायातको अवस्था, जवान व्यक्तिको बसोबास संख्या, कामपछि र सप्ताहन्तमा सिटीको दृश्य र पेचेक लगायतका मापदण्डका आधारमा सिटीको उत्कृटता तय गरिएको हो ।
सर्वेक्षणपछि ९० भन्दा धेरै स्कोर प्राप्त गर्ने सहरलाई पहिलो श्रेणी दिइएको हो ।
अमेरिकाको सबैभन्दा उत्कृष्ट सहरमा नर्थ क्यारोलिनाको दुर्हाम परेको छ । यो सहरमा जागिरको उपलब्धता अमेरिकाका अन्य औषत सहरको तुलनामा तीनगुणा बढी रहेको छ । यातायातमा सहजतका हिसाबले पनि यो सहर अमेरिकामा अगाडि छ ।
पेन्सिलभेनियाको पिट्सबर्ग सहर पनि अमेरिकाका उत्कृष्ट सहरमा दोश्रो नम्बरमा परेको छ । जागिरको उपलब्धता, यातायातको सहजता लगायतका मापदण्डका आधारमा यो सहरलाई उत्कृष्ट सहरको श्रेणी दिइएको छ ।
टेनिसीको नेसभिल तेश्रो र आयोवाको डेस मोनिस चौथो उत्कृष्ट सहरको सुचीमा रहेको छ । त्यस्तै नर्थ क्यारोलिनाको शार्लोट पाँचौं, न्युयोर्कको सिराकस छैठौं, ओहियोको कोलम्बस सातौं, टेक्सासको अष्टिन आठौं, साउथ क्यारोलिनाको ग्रिनभिल नवौं उत्कृष्ट सहरमा परेका छन् । त्यस्तै टेक्सासको ह्युस्टन दशौं, न्युयोर्कको अल्बानी एघारौं, टेक्सासको डलास बाह्रौं र इन्डियानाको इन्डियानापोलिस १३ औं उत्कृष्ट सहरको सुचीमा छन् ।
त्यस्तै पेन्सिलभेनियाको ह्यारिसबर्ग १४ औं, अर्कान्ससको फेयटभिल १५ औं, ओहियोको सिनसिनाटी १६ औं र मोन्टानाको सेन्ट लुइस सहर १७ औं उत्कृष्ट सहरको सुचीमा छन् । टेक्सासको लबबक १८ औं, फ्लोरिडाको गेन्सभिल १९ औं र नेब्रास्काको ओमाहा २० औं उत्कृष्ट सहरको सुचीमा छन् । टेक्सासको कर्पस क्रिस्टी २१ औं नम्बरमा र नर्थ क्यारोलिनाको रालेह २२ औं नम्बरमा रहेका छन् । यी २२ औं नम्बरसम्म रहेका सिटीहरुलाई पहिलो ग्रेड दिइएको छ ।
त्यस्तै ओहियोको डेटोन २३ औं, केन्टकीको लेक्जिंगटन २४ औं र टेनिसीको नक्सभिल २५ औं उत्कृष्ट सहरको सुचीमा छन् । यी तीन सहरहरुलाई भने बी ग्रेड दिइएको छ ।