Follow @khasokhasmag

आवेदन भर्दा ढाँटेका कारण २५ बर्षका रुबेनको अमेरिकी नागरिकता खारेज, जेल सजाय थप


प्रकाशित मिति : मंसिर ६, २०७८ सोमबार

अमेरिकी नागरिकताको आवेदन दिंदा सोधिने प्रश्नमा जवाफ ढाँटेका कारण २५ बर्षका रुबेन रोजाको अमेरिकी नागरिकता खारेज भएको छ । उनले अमेरिकी जेलमा थप समय बस्नुपर्ने भएको छ भने सजाय काटेपछि अमेरिकाबाट देशनिकालामा पर्ने भएका छन् ।

मेक्सिकोमा जन्मिएका उनी अमेरिकाको फ्लोरिडामा रहेको ली काउन्टीमा बस्दै आएका थिए । उनले सन् २०१६ मा अमेरिकी नागरिकताका लागि आवेदन दिएका थिए भने त्यतीबेला उनले आफूले कहिले पनि अपराध नगरेको विवरण उल्लेख गरेका थिए ।

पक्राउ नपरेको तर कुनै अपराधमा संलग्न हुनुभएको थियो ? भन्ने प्रश्नमा उनले त्यस्तो अपराधमा संलग्न नभएको उल्लेख गरेका थिए । तर उनी सन् २०१५ र २०१७ मा गरेका अपराधका लागि सन् २०१९ मा दोषी ठहर भए । अमेरिकी नागरिकता लिने बेलामा उनले अपराध गरेका थिए तर पक्राउ परेका थिएनन् । जसका कारण युएससीआईएसले उनले अपराध गरेको रेकर्ड पत्ता लगाउन सकेको थिएन ।

उनी बच्चालाई बलात्कार र बच्चासँग अवाञ्छित कृयाकलाप गरेको अभियोगमा सन् २०१९ मा दोषी ठहर भएका थिए । तर उनले उक्त अपराध अमेरिकी नागरिकता लिनु अगाडि नै गरेका थिए । उनलाई सन् २०१९ को मार्चमा २६ बर्षको जेल सजाय सुनाइएको थियो ।

उनले अमेरिकी नागरिकता लिने बेलामा विवरण ढाँटेको समेत स्वीकारेका छन् । जसका लागि उनको नागरिकता खारेज हुनुका साथै थप ६ महिना जेल सजाय सुनाइएको छ ।

युएससीआईएसको नीति निर्देशिका अनुशार विभिन्न अवस्थामा अमेरिकी नागरिकता खारेज हुनसक्ने प्रावधान रहेको छ । गलत विवरण बुझाएमा वा तथ्यहरु ढाँटेमा र दिइएका गलत विवरण जानजान भएमा अमेरिकी नागरिकता खारेज हुनसक्छ । त्यस्तै अमेरिकी सेनामा भर्ना भएर नागरिकता लिएकाहरुका सन्दर्भमा ५ बर्षको अवधिभन्दा अगाडि बीचमै छाडेमा अमेरिकी नागरिकता खारेज हुनसक्छ ।

कस्तो अवस्थामा अमेरिकी नागरिकता खारेज हुनसक्छ भन्नेबारे युएससीआईएसको नीति निर्देशिका

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com