अमेरिकी भिजिटर भिसा पाउनेमा ४१ औं नम्बरमा नेपाली
गत अप्रिल महिनामा अमेरिकाको भिजिटर भिसा प्राप्त गर्नेमा नेपालीहरु विश्वमै ४१ औं नम्बरमा परेका छन् । मुस्लिम बाहुल्य देशका नागरिकहरुलाई तुलनात्मकहिसाबले अमेरिकाले कम भिसा जारी गरेपनि नेपालका लागि भने उल्लेख्य संख्यामा भिजिटर भिसा जारी गरेको छ । अप्रिल महिनामा १६५६ जना नेपालीहरुले अमेरिकाको भिजिटर भिसा (बीवान बीटु) प्राप्त गरेको अमेरिकी सरकारको विदेश मन्त्रालय अन्तरगत ब्यूरो अफ कन्सुलर अफेयर्सले जनाएको छ ।
यो पनि पढ्नुहोस्
एक्सक्लुसिभ : नेपाली विद्यार्थीलाई असाध्यै कम अमेरिकी भिसा (संख्यासहित)
अप्रिलमा बीवान र बी टु छुट्टा छुट्ै क्याटेगोरीमा थप ६ नेपालीहरुलाई अमेरिकाले भिसा जारी गरेको छ । नेपालीहरु कतिजनाले भिजिटर भिसाका लागि आवेदन दिएका थिए भन्नेबारे केही नखुलाइएपनि औषतमा हरेक दिन ८० जनाको दरले भिजिटर भिसा उपलब्ध गराइएको छ । नेपालीहरुले औषतमा हरेक दिन २ सय जनाले अमेरिकाको भिजिटर भिसाका लागि आवेदन दिन दुतावास श्रोतको भनाई छ । अप्रिल महिनामा काठमाडौंमा रहेको दूतावासले भने १४८९ जनाका नाममा भिजिटर भिसा जारी गरेको थियो । अप्रिलमा नेपालबाहेक अन्य देशमा रहेका अमेरिकी दूतावासबाट अमेरिकाको भिजिटर भिसा प्राप्त गर्ने नेपालीहरुको संख्या पनि उल्लेख्य नै थियो ।
यो पनि पढ्नुहोस्
यसरी अगाडि सार्न सकिन्छ अमेरिकी भिसाको अन्तरवार्ता मिति
मार्च महिनामा अमेरिकाको बी क्याटेगोरीमा भिजिटर भिसा पाउने नेपालीहरु अझ धेरै थियो । गतमार्चमा १९८५ जना नेपालीहरुले बी वान बी टु संयुक्त क्याटेगोरीमा भिजिटर भिसा पाएका थिए । मार्चमा बी वान मात्र पाउने थप ६ जना र बी टुमात्र पाउने थप ५ जना रहेका थिए । काठमाडौंमा रहेको अमेरिकी दूतावासलेमात्र मार्चमा १७७४ भिजिटर भिसा जारी गरेको थियो ।
यो महिनामा मुस्लिम बाहुल्य इरानका ९४० जनालाईमात्र बी क्याटेगोरीको भिसा जारी गरिएको छ भने लिबियाका ५० जनालाई भिजिटर भिसा दिइएको छ । त्यस्तै सोमालियाका ८, सुडानका २६७, सिरियाका २२१, यमनका ९१ जनालाईमात्र भिजिटर भिसा दिइएको छ । राष्ट्रपति ट्रम्पको यात्रा प्रतिबन्ध कार्यान्वयन नभएपनि ती देशका नागरिकहरुलाई भने असाध्यै कम संख्यामा भिसा जारी गरिएको छ ।
यो पनि पढ्नुहोस्
अमेरिकी भिसा अस्वीकृत हुनबाट जोगिन र अस्वीकृत भएमा
अप्रिलमा नेपालीले भन्दा धेरै अमेरिकाको भिसा पाउनेहरु अरु ४० देशका नागरिकहरु रहेका छन् । भियतनाम, भेनेजुयला, उरुग्वे, युक्रेन, बोलिभिया, अर्जेन्टिना, टर्की, ट्रिनिडाड, थाइल्याण्ड, साउथ अफ्रिका, साउदी अरेबिया, रसिया, रोमानिया, पोल्याण्ड, फिलिपिन्स, पेरु, पाकिस्तान, नाइजेरिया, मलेसिया, केन्या, जोर्डन, जमैकय, इजरायल, इन्डोनेसिया, इन्डिया, हङकङ, होण्डुरस, हैटी, ग्वाटेमाला, ग्रेट ब्रिटेन, जर्मनी, एल साल्भाडोर, इजिप्ट, इक्वेडर, डोमेनिकन रिपब्लिक, कोस्टारिका, कोलम्बिया, चाइना र ब्राजिलका नागरिकले अमेरिकाको भिजिटर भिसा प्राप्त गरेका थिए ।
