देशनिकाला भएकी नेपाली किशोरीलाई फर्काउन हस्ताक्षर अभियान

प्रकाशित मिति : जेष्ठ २१, २०७४ आईतबार

– हरिकृष्ण पन्थी

नेपाली बाबुआमाबाट जर्मनीमा जन्मेकी १४ बर्षकी बालिका बिभ्सी रानालाई जर्मन प्रहरीहरुले कक्षाकोठाबाटै नियन्त्रणमा लिएर नेपाल देशनिकाला गरिएपछि उनलाई जर्मनीमा फिर्ता गराउन अभियान थालिएको छ । उनका विद्यालयका साथीहरु लगायत विभिन्न संघ संस्थाहरुले हस्ताक्षर अभियान संचालन गरेका हुन् ।

अगस्त ३० सम्म ५० हजार हस्ताक्षर पुगेमा ५० हजार हस्ताक्षर पुगेमा बिभ्सी र उनका बाबुआमालाई जर्मन नियमअनुशार फिर्ता गर्ने वा नगर्ने सन्दर्भमा त्यहाँको सरकारले निर्णय गर्ने जनाइएको छ । तीनदिनमा नै जर्मनभित्रै साढे २४ हजारले हस्ताक्षर गरिसकेका छन् भने अन्य देशबाट २५ हजार भन्दा धेरैले समर्थन हस्ताक्षर गरेका छन् ।

तपाई पनि हस्ताक्षर गर्न चाहनुहुन्छ भने यहाँ क्लिक गर्नुहोला । 

जर्मनीको नर्थ राइन बेष्टफेलियामा हाइस्कुलमा अध्ययनरत रानालाई प्रहरीले कक्षाकोठाबाटै नियन्त्रणमा लिएर फ्रैंकफर्ट विमानस्थलमा लगेका थिए र त्यहीबाट देशनिकाला गरेर नेपाल पठाएका थिए । कक्षाकोठाबाट प्रहरीले बिभ्सीलाई पक्राउ गर्दा उनी आत्तिएर रोएकी थिइन् । बिभ्सीका परिवार जर्मनीमा बस्न पाउने अनुमति सन् २०१३ मा नै सकिएको थियो ।

त्यसपछि उनका परिवारले जर्मनीमा बस्नका लागि अनुरोध गर्दै फाइल गरेको अपिल पनि सन् २०१६ को मार्चमा मा खारेज भएपछि बिभ्सीलाई देशनिकाला गरिएको हो ।

बिभ्सीसँगै उनका बाबुआमालाई पनि जर्मनीबाट देशनिकाला गरिएको छ । बिभ्सीका परिवार १५ बर्ष अगाडि जर्मनीमा गएर एसाइलमका लागि आवेदन दिएका थिए । तर आवेदन अस्वीकृत भएको थियो । बिभ्सीका १८ बर्षका दाजुलाई भने जर्मनी छाड्न बाध्य पारिएको छैन । तर बिभ्सीका दाजुलाई किन जर्मनीमा नै बस्न दिइयो भन्नेबारे स्पष्ट छैन । कक्षा कोठाबाटै संघीय अधिकारीहरुले बिभ्सीलाई पक्राउ गर्दा उनका सहपाठीहरु पनि त्रसित भएका थिए । सबैजना विद्यार्थीहरुमाझ रुवावासी नै चलेको थियो ।

बिभ्सीका एकजना साथी बेहोस भएर ढलेपनि अस्पताल नै लग्नुपरेको थियो । देशनिकाला भइसकेपछि पनि बिभ्सीले उनका साथीहरुलाई आफू सकुशल रहेको र कुनै चिन्ता नलिन भन्दै मेसेज पठाएकी थिइन् ।

विभ्सीले आफू सकुशल रहेको भन्दै साथीहरुलाई सन्देश पठाएकी थिइन्

बिभ्सीको पक्राउबिरुद्ध उनका साथीहरुले तयार पारेको पोष्टर ।
बिभ्सीको कक्षा कोठामा रहेको खाली सिट ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com