Follow @khasokhasmag

भ्याक्सिन लगाएकाहरुका लागि १९ महिनापछि मेक्सिको र क्यानडाको स्थल नाका खोल्दै अमेरिका


प्रकाशित मिति : आश्विन २७, २०७८ बुधबार

अमेरिकाले नोभेम्बरदेखि भ्याक्सिन लगाएका यात्रुहरुलाई मेक्सिको र क्यानडाको स्थलनाकाबाट अमेरिका प्रवेशको अनुमति दिने भएको छ । डिपार्टमेन्ट अफ होमल्याण्ड सेक्युरिटीका सेक्रेटरी अलेहान्द्रो मेयरकासले पूर्णरुपमा भ्याक्सिन लगाएकाहरुका लागि अमेरिकाको स्थल नाका खुला गरिएको घोषणा गरेका हुन् ।

सीडीसी र स्वास्थ्यविदहरुको सल्लाह अनुशार पूर्णरुपमा भ्याक्सिन लगाएका अत्यावश्यक बाहेकका अन्य यात्रुहरुलाई पनि स्थलनाकाबाट अमेरिका प्रवेश दिनेगी टाइटल १९ को नीति नियममा परिमार्जन गरिने भएको छ । भ्याक्सिन लगाएकाहरुले भिसा वा अन्य उपयुक्त कागजात पेश गरेर स्थल नाकाबाट प्रवेश पाउनेछन् ।

नोभेम्बरमा अमेरिकाले अन्तर्राष्ट्रिय यात्राका सन्दर्भमा पनि नयाँ नियम ल्याउन लागेकाले सोही नियमसँग मेल खानेगरी स्थल नाकाका सन्दर्भमा पनि नियम परिमार्जन गर्न लागेको हो । नोभेम्बरबाट अमेरिकामा पूर्णरुपमा भ्याक्सिन लगाएका सबै देशबाट आउने यात्रुहरुलाई प्रवेश दिइने भएको छ ।

अमेरिकाले बेलायत, युरोपियन युनियन लगायतका ३० देशबाट यात्रा गर्नका लागि प्रतिबन्ध लगाएकोमा नोभेम्बरदेखि ती देशबाट यात्रा गर्नका लागि पनि भ्याक्सिन लगाएकाहरुलाई छुट दिइने भएको छ । अमेरिका प्रवेशका लागि उनीहरुले भ्याक्सिन लगाएको प्रमाण र तीनदिनभित्र कोरोना परीक्षण गरेको नेगेटिभ रिपोर्ट पेश गर्नुपर्नेछ ।

डिपार्टमेन्ट अफ होमल्याण्ड सेक्युरिटीका सेक्रेटरी अलेहान्द्रो मेयरकास

सोही नियमसँग मेल खानेगरी स्थल नाकाका सन्दर्भमा पनि भ्याक्सिन लगाएकाहरु अमेरिकामा पर्यटन, आफन्त र साथीहरुसँग भेटघाट लगायतका लागि स्थलनाकाबाट पनि आउन पाउने भएका छन् । नोभेम्बरबाट क्यानडा र मेक्सिकोबाट भ्याक्सिन लगाएका यात्रुहरुलाइै अमेरिका प्रवेश दिइनेछ । अत्यावश्यक यात्रुहरुले भने भ्याक्सिन नलगाएको भएपनि नेगेटिभ कोरोना रिपोर्टको आधारमा प्रवेश दिइएको छ । तर जनवरीदेखि अत्यावश्यक र अन्य सबैले स्थलनाकाबाट अमेरिका प्रवेशका लागि सवै विदेशी नागरिकहरुले पूर्णरुपमा भ्याक्सिन लगाएको प्रमाण पेश गर्नुपर्नेछ ।

अहिलेका लागि कोरोना महामारी कारण क्यानडा र मेक्सिकोको स्थलनाकाबाट अमेरिका प्रवेशमा गरिएको कडाई अक्टोबर २१ सम्म कायम छ । मेक्सिको र क्यानडाको स्थल नाकाबाट अत्यावश्यकबाहेकका अरु व्यक्तिलाई प्रवेशमा रोक कायम छ ।

कोरोना महामारीका कारण सन् २०२० को मार्चदेखि यस्तो प्रतिबन्ध लगाउन थालिएको हो । सुरुको प्रतिबन्ध अप्रिलमा समाप्त भएकोमा त्यसपछि एकएक महिना गर्दै थप गरिएको हो ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com