Follow @khasokhasmag

अफगानिस्तानमा रहेका १५ सय मध्ये ९०६ नेपाली स्वेदश फिर्ता, ३४ लाई यसै साता ल्याउन पहल


प्रकाशित मिति : भाद्र २८, २०७८ सोमबार

अफगानिस्तानमा रहेका झण्डै १५ सय नेपालीहरूमध्ये ९०६ जना नेपाल आइसकेका छन् भने काबुलमा रोकिएका ३४ नेपालीलाई यसै साता फर्काउन पहल भइरहेको सरकारी भनाई छ । अफगानिस्तानमा अलपत्र परेका ३४ नेपाली नागरिकलाई चार्टर्ड विमानमार्फत नेपाल फर्काउन पहल भइरहेको जनाइएको छ।

अफगानिस्तानबाट स्वदेश फर्केका नेपालीहरु काठमाडौं विमानस्थलमा

अमेरिकी सेनाको फिर्तीसँगै बन्द रहेको काबुल विमानस्थलबाट कमर्शियल उडानहरु पनि सुरु भएका छन् । तालिवानबाट स्वीकृति पाएकाहरुले अहिले ती उडानमार्फत अफगानिस्थान छाडिरहेका छन् । तालिवानको नियन्त्रणपछि पहिलो कमर्शियल उडान विहिबार कतार एयरवेजले गरेको थियो । अगस्ट ३१ मा अमेरिकी सेना फिर्ता भएपछि काबुल बिमानस्थल बन्द रहेको थियो ।

अफगानिस्तानबाट स्वदेश फर्केका नेपालीहरु काठमाडौं विमानस्थलमा

काबुलमा रहेका ३४ नेपालीहरु यस अगाडिको उडानमा छुटेका थिए । उनीहरु सुरक्षित रुपमा नै त्यहाँ रहेको जनाइएको छ । निजी सेक्युरिटी कम्पनीको चार्टर्ड उडानमा नेपाली नागरिकहरू फर्काउन दूतावासले पहल गरिरहेको छ।

अफगानिस्तानबाट स्वदेश फर्केका नेपालीहरु काठमाडौं विमानस्थलमा

संयुक्त राष्ट्रसङ्घ अन्तर्गतका विभिन्न निकायमा कार्यरत ४६७ नेपालीमध्ये ४२४ जना अफगानिस्तानमा नै रहेका छन् । ४३ जना नेपालीहरु भने विदामा आएका थिए । बिदामा आउन चाहेका थप १ सय जना नेपालीलाई पनि नेपाल ल्याउने पहल भइरहेको छ ।

अफगानिस्तानबाट स्वदेश फर्केका नेपालीहरु काठमाडौं विमानस्थलमा

नेपाली नागरिकहरूका लागि जोखिम कायमै रहेकाले अफगानिस्तानबाट बिदामा आएकालाई अहिले नै फर्किन सहमति दिन नसकिने वैदेशिक रोजगार विभागको भनाई छ ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com