Follow @khasokhasmag

नेपालमा कोरोनाः ३०७५ जनामा कोरोना पुष्टि, ३३ को मृत्यु


प्रकाशित मिति : भाद्र ३, २०७८ बिहीबार

पछिल्लो २४ घण्टामा नेपालमा थप ३ हजार ७५ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको ११ हजार ९४६ जनाको पीसीआर परीक्षणमा २ हजार ३२१ र ४ हजार ४९२ जनाको एन्टिजेन परीक्षणमा ७५४ जनामा कोरोना पुष्टि भएको हो। यसमध्ये काठमाडौंमा ६३९, ललितपुरमा १२७ र भक्तपुरमा १०१ जना संक्रमित रहेका छन्।

सोही अवधिमा थप ३३ जना कोरोना संक्रमितको मृत्यु भएको छ। नेपालमा हालसम्म कोरोना संक्रमणबाट मृत्यु हुनेको संख्या १० हजार ४ सय २९ रहेको छ। मृत्युदर १.५ प्रतिशत रहेको छ।

यस्तै, बिहीबार मुलुकका विभिन्न अस्पतालबाट २ हजार १२६ जना कोरोना संक्रमणमुक्त भएका छन्। हालसम्म ६ लाख ९१ हजार २ सय ९९ जना संक्रमणमुक्त भइसकेका छन्।

हाल देशभर ४० हजार ५०० जना सक्रिय संक्रमित रहेको मन्त्रालयले जनाएको छ। तीमध्ये ३७ हजार ११४ जना होम आइसोलेसनमा रहेका छन्। संस्थागत आइसोलेसनमा ३ हजार ३८६ छन् भने ७३९ जना आइसीयूमा र १६८ जनाको भेन्टिलेटरमा राखि उपचार भईरहेको छ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com