Follow @khasokhasmag

नेपालमा कोरोनाः २२१२ मा संक्रमण पुष्टि, ३३ जनाको मृत्यु


प्रकाशित मिति : श्रावण ३१, २०७८ आईतबार

पछिल्लो २४ घण्टामा नेपालमा २ हजार २ सय १२ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पिसीआर र एन्टिजेन विधिबाट १२ हजार १०६ जनामा परीक्षण गरिँदा उक्त संख्यामा संक्रमण पुष्टि भएको हो। योसँगै नेपालमा कोरोना संक्रमित हुनेको संख्या ७ लाख ३२ हजार २७२ पुगेको छ।

यसैगरी पछिल्लो २४ घण्टामा एक हजार ८६७ जना संक्रमणमुक्त भएका छन्। नेपालमा हालसम्म संक्रमणमुक्त हुनेको संख्या छ लाख ८२ हजार ६८२ छ।

नेपालमा हाल ३५ हजार १८ जना होम आइसोलेसन र चार हजार २८० जना संस्थागत आइसोलेसनमा छन्। त्यसैगरी ७५८ जना आइसीयू र १९३ जना भेन्टिलेटरमा उपचाररत छन्। देशभर सक्रिय संक्रमितको संख्या ३९ हजार २९८ जना रहेको मन्त्रालयले जनाएको छ।

थप ३३ को मृत्यु

नेपालमा पछिल्लो २४ घण्टामा कोरोना भाइरस संक्रमणबाट ३३ जनाको मृत्यु भएको छ। योसँगै मृत्यु हुनेको संख्या १० हजार २९२ पुगेको छ।

कोरोनाबाट मृत्यु हुनेमा ६० वर्ष माथिका व्यक्तिहरु सबैभन्दा धेरै रहेको मन्त्रालयले जनाएको छ। कूल मृतकमध्ये पाँच हजार ५२२ जना सो उमेर समूहका छन्। सबैभन्दा धेरै ज्यान गुमाउनेको दोस्रो सूचीमा ५० देखि ५९ वर्षका उमेर समूहका छन्। नेपालमा हालसम्म यो उमेर समूहका दुई हजार २८ जनाको कोरोना संक्रमणबाट मृत्यु भएको छ।

त्यस्तै, ४० देखि ४९ वर्ष उमेर समूहका एक हजार ४७२ र ३० देखि ३९ वर्ष उमेर समूहका ८५० तथा २० देखि २९ वर्ष उमेर समूहका ३१८ जनाको कोरोना संक्रमणबाट मृत्यु भएको छ। १० देखि १९ वर्ष उमेर समूहका ५० र नौ वर्ष मुनिका ४५ जनाको कोरोना संक्रमणबाट मृत्यु भएको मन्त्रालयले जनाएको छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com