अमेरिकामा एसाइलम खोज्नेलाई मेक्सिको पठाउने नीति पुन लागु गर्न अदालतको आदेश
प्रकाशित मिति : श्रावण ३०, २०७८ शनिबार
अमेरिकाको सिमाक्षेत्रमा आएर एसाइलम खोज्नेलाई अध्यागमन अदालतमा प्रकृयासम्मका लागि प्रतिक्षाका लागि मेक्सिको पठाउने ट्रम्पकालिन नीति पुन लागु गर्न टेक्सासको संघीय अदालतले आदेश दिएको छ । ट्रम्पकालिन यो कार्यक्रम बाइडेन प्रशासनले गैर काूननी रुपमा खारेज गरेको ठहर गदैए संघीय न्यायाधिसले यो कार्यक्रम लागु गराउन आदेश दिएका हुन् ।
युएस डिस्ट्रिक्ट कोर्टका न्यायाधिस म्याथ्यु कासमारकले कानूनी रुपमा खारेज नहुन्जेलसम्मका लागि यो कार्यक्रम लागु गर्न आदेश दिएका हुन् । यी न्यायाधिसलाई पूर्व अमेरिकी राष्ट्रपति डोनाल्ड ट्रम्पले नियुक्त गरेका थिए । त्यस्तै अनिवार्य हिराशतमा राख्नुपर्ने अवस्थाका एसाइलम आवेदकहरु र आप्रवासीहरुलाई हिराशतबाट नछाड्न समेत अदालतले आदेश दिएको छ ।
न्यायाधिसले आफ्नो आदेश देशब्यापी कार्यान्वनका लागि ७ दिनको समय दिएका छन् । बाइडेन प्रशासनलाई पुनरावेदन गर्न चाहेको खण्डमा समय प्रदान गर्दै न्यायाधिसले ७ दिनपछि मेक्सिको फिर्ता पठाउने कार्यक्रम लागु गर्न आदेश दिएका हुन् । ५३ पृष्ठ लामो अदालतको आदेशमा गत जुन महिनामा डिपार्टमेन्ट अफ होमल्याण्ड सेक्युरिटीका सेक्रेटरी अलेहान्द्रो मेयरकासले कानूनको उल्लंघन गरेर मेक्सिको फिर्ता पठाउने कार्यक्रम रद्द गरेको उल्लेख छ ।
न्यायाधिसको यो आदेशलाई टेक्सास र मिजौरीका सरकारको जीतको रुपमा हेरिएको छ । यी दुई राज्यहरुले मेक्सिको फिर्ता पठाउने नीति कार्यान्यनका लागि अदालतमा मुद्दा दायर गरेका थिए । अमेरिकी सिमा क्षेत्रमा आएर एसाइलम खोज्नेलाई मेक्सिको फिर्ता पठाउने कार्यक्रम सन् २०१८ को अन्तिमतिर ट्रम्प प्रशासनले ल्याएको थियो ।