Follow @khasokhasmag

बढ्दै कोरोनाः २४ घण्टामा संक्रमण पुष्टि हुनेको संख्या ५ हजार नजिक, ३५ जनाको मृत्यु


प्रकाशित मिति : श्रावण २६, २०७८ मंगलबार

नेपालमा कोरोना संक्रमणको ग्राफ उकालो लाग्न थालेको छ। पछिल्लो २४ घण्टामा संक्रमण पुष्टि हुनेको संख्या ५ हजार नजिक पुगेको छ।
स्वास्थ्य तथा जनसंख्या मन्त्रालयका अनुुसार देशभरका विभिन्न प्रयोगशालामा १९ हजार १ सय २३ जनाको परीक्षणमा भएकोमा ४ हजार ९ सय ४ जनामा संक्रमण पुष्टि भएको छ।

त्यसमध्ये काठमाडौंमा ७९५, ललितपुरमा २३९ र भक्तपुरमा १५२ रहेको छ। यस्तै, झापामा २९७, मोरङमा १६४, सुनसरीमा १३९, काभ्रेमा १३८, कास्कीमा २९४, नवलपरासीपूर्वमा १०० रहेका छन्।

यस्तै, मंगलबार ३५ जनाको मृत्यु भएको छ। योसँगै नेपालमा कोरोना संक्रमणबाट मृत्यु हुनेको संख्या १० हजार १ सय ५० पुगेको छ।

पछिल्लो २४ घण्टामा २ हजार १ सय १५ जना संक्रमणमुक्त भएका छन् भने हाल नेपालभर सक्रिय संक्रमितको संख्या ३७ हजार ३ सय ३२ रहेको छ। त्यसमध्ये होम आइसोलेसनमा ३३ हजार ९ सय ८५, संस्थागत आइसोलेसनमा ३ हजार ३ सय ४७, आइसीयूमा ७६१ र भेन्टिलेटरमा १७६ रहेका छन्।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com