नेपालमा कोरोनाः ३६५१ संक्रमित थपिए, २२ जनाको मृत्यु
प्रकाशित मिति : श्रावण २५, २०७८ सोमबार
नेपालमा ३ हजार ६ सय ५१ कोरोना संक्रमित थपिएका छन्। देशभरका प्रयोगशालामा १६ हजार ५ सय ९४ जनाको परीक्षण गर्दा उक्त संख्यामा संक्रमण पुष्टि भएको हो।
यसअनुसार काठमाडौंमा ६२४, ललितपुरमा १६५ र भक्तपुरमा १७० जनाका संक्रमण पुष्टि भएको छ। यसबाहेक मोरङमा १३१, सुनसरीमा १०२, चितवनमा २६३, कास्कीमा २१०, बागलुङमा १२८ जनामा संक्रमण पुष्टि भएको छ।
यस्तै, २४ घण्टामा २२ जनाको मृत्यु भएको छ। कोरोना संक्रमणबाट हालसम्म मृत्यु हुनेको संख्या १० हजार १ सय १५ पुगेको छ। हाल नेपालमा मृत्यु दर १.५ प्रतिशत छ।
उक्त अवधिमा १ हजार ७ सय ८४ जना संक्रमणमुक्त भएका छन् भने १ लाख ४५ हजार ३० जनाले खोप प्राप्त गरेका छन्। नेपालमा हालसम्म संक्रमणमुक्त हुनेको संख्या ६ लाख ७१ हजार ८३ रहेको छ।
हालसम्म सक्रिय संक्रमितको संख्या ३६ हजार २ सय ८८ पुगेको छ। जसमा ३२ हजार ९ सय ७ होम आइसोलेसनमा र ३ हजार ३ सय ८१ जना संस्थागत आइसोलेसनमा रहेका छन्। यस्तै, ७ सय ४१ जना आइसीयूमा छन्।
मन्त्रालयका अनुसार खोप केन्द्रमा भीडभाड हुन नदिन जुलाई महिनापछि काठमाडौंमा ८३ र नेपालभर १४३३ खोप केन्द्र थपिएका छन्। योसँगै काठमाडौंमा कूल खोप केन्द्रको संख्या १४९ र नेपालभर ४ हजार ४ सय २२ पुगेको छ।