Follow @khasokhasmag

लुम्बिनी प्रदेशका मुख्यमन्त्री पोखरेलविरुद्ध अविश्वास प्रस्ताव दर्ता


प्रकाशित मिति : श्रावण १९, २०७८ मंगलबार

लुम्बिनी प्रदेशका मुख्यमन्त्री शंकर पोखरेलविरुद्ध अविश्वास प्रस्ताव दर्ता भएको छ। नेपाली कांग्रेस, माओवादी केन्द्र र जनता समाजवादी पार्टीले मंगलबार प्रदेशसभा सचिवालयमा पोखरेलविरुद्ध अविश्वास प्रस्ताव दर्ता गराएका हुन्। यसअघि सोमबार उनीहरुले नयाँ सरकार गठनका लागि आह्वान गर्न प्रदेश प्रमुखसँग माग गरेका थिए।

विपक्षी गठबन्धनमा आवद्ध ३४ प्रदेश सांसदको हस्ताक्षरसहित मुख्यमन्त्री पोखरेलविरुद्ध अविश्वास प्रस्ताव दर्ता गरिएको हो। अविश्वास प्रस्तावमा ३४ सांसदको हस्ताक्षरमात्र रहे पनि आफूहरू बहुमतमा रहेको दाबी गठबन्धनले गरेको छ।

लुम्बिनी प्रदेशसभामा ८० सांसद छन्। सरकार जोगाउन पोखरेललाई ४१ सांसदको समर्थन चाहिन्छ।

यसअघि माओवादी केन्द्रले सरकारबाट समर्थन फिर्ता लिएपछि विपक्षी गठबन्धनले पोखरेलविरुद्ध वैशाख ६ गते अविश्वास प्रस्ताव दर्ता गरेको थियो।

अविश्वास प्रस्तावमाथि छलफलका विशेष अधिवेशन बोलाइएकै दिन वैशाख १९ गते मुख्यमन्त्री पोखरेलले राजीनामा दिएका थिए। त्यसपछि बहुमत सांसदहरूले सरकार गठनका दाबी प्रस्तुत गरे पनि तत्कालीन प्रदेश प्रमुख धर्मनाथ यादवले पोखरेललाई मुख्यमन्त्रीमा नियुक्त गरेका थिए।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com