एक सातादेखि त्रिभुवन विश्वविद्यालयमा तालाबन्दी, आंशिक प्राध्यापकले यसकारण लगाए ताला
प्रकाशित मिति : श्रावण १५, २०७८ शुक्रबार
त्रिभुवन विश्वविद्यालयमा एक सातादेखी तालाबन्दी भएको छ । लामो समयदेखी आन्दोलनरत आंशिक प्राध्यापकहरुले बिभिन्न माग राख्दै गरेको आन्दोलनका कारण त्रिवीमा एक सातादेखी तालाबन्दी भएको हो ।
एकसातादेखी तालाबन्दी हुँदा पनि विश्वविद्यालय प्रशासन भने मौन छ ।
कस्ता छन् माग?
२०६३ सालदेखी ज्यालादारीमा मात्र पढाउँदै आएका आंशिक प्राध्यापकहरुले समान कामको, समान ज्याला माग गर्दै आएका छन् ।
पढाउन, थेसीस गराउन तथा अधिकांश नयाँ कोर्शका लागि युवा रहेका आंशिक प्राध्यापकलाई काम लगाउने तर ज्याला भने मजदुरलाई जस्तै कक्षा लिएका आधारमा दिने गरेकामा आंशिक प्राध्यापकहरु आन्दोलनमा छन् ।
विभिन्न चरणका आन्दोलनमा लागेका प्राध्यापकहरुले हरेक सरकारले माग पुरा गर्ने आश्वासन दिने तर अन्तिममा धोका दिने गरेको गुनासो छ ।
संघर्ष समिति नै निर्माण गरेर कहिले आमरण अनसन त कहिले धर्ना, जुलुस गर्दै आएका आशिंक प्राध्यापकहरुलाई धेरै पटक लिखित रुपमै आश्वासन र सहमति हुने तर कार्यान्वयन नहुने गरेको केन्द्रिय सघर्ष समितिका सचिव तथा बार्ता टोली सदस्य बैकुण्ठ थापाले बताए ।
५ बर्ष देखी पटक पटक उपकुलपति , रेक्टर, रजिष्टारको कार्यालय घेर्ने, वार्ता गर्ने लगायतका आन्दोलनमा आशिंक प्राध्यापकहरु छन् ।
बर्तमान प्रधानमन्त्री शेरबहादुर देउवा अघिल्लो पटक प्रधानमन्त्री भएको बेला माग पुरा गर्ने निर्णय भएको भए पनि अर्को सरकार बनेपछि लागु हुन सकेको थिएन ।
हाल उनै प्रधानमन्त्री शेरबहादुर देउवा भएकोले आशिंक प्राध्यापकहरु आफ्नो माग पुरा हुनेमा आशावादी रहेका छन् ।