Follow @khasokhasmag

बढ्दो कोरोनाः नेपालमा सक्रिय संक्रमितको संख्या ३१ हजार नाघ्यो


प्रकाशित मिति : श्रावण १५, २०७८ शुक्रबार

नेपालमा सक्रिय संक्रमितको संख्या ३१ हजार नाघेको छ। केही दिनयता कोरोना संक्रमितको संख्या बढ्ने क्रममा सक्रिय संक्रमितको संख्या पनि उच्च देखिएको हो। वैशाख दोस्रो सातादेखि संक्रमण बढ्दै गएर नेपालमा सक्रिय संक्रमितको संख्या १ लाख नाघेको थियो। अहिले पुनः संक्रमण दर बढ्न थालेको हो।

स्वास्थ्य तथा जनसंख्या मन्त्रालयका अनुसार हाल नेपालभर सक्रिय संक्रमितको संख्या ३१ हजार १४ छ। हाल ३९० जना क्वारेन्टाइनमा छन्।

यस्तै, पछिल्लो २४ घन्टामा ३ हजार ६११ जना कोरोना संक्रमित थपिएका छन्। १४ हजार ६६१ नमुना परीक्षणमा उक्त संख्यामा संक्रमण पुष्टि भएको हो। जसमध्ये काठमाडौं उपत्यकामा ८ सय १९ संक्रमित थपिएका छन्। जसमा काठमाडौंमा ५५६, भक्तपुरमा ७६ र ललितपुरमा १८७ रहेका छन्। काठमाडौंमा सक्रिय संक्रमित ५ हजार ९ सय ३, भक्तपुरमा १ हजार १ सय २० र ललितपुरमा १ हजार ४ सय ७८ रहेकाछन्।

सोही अवधिमा १ हजार ८१६ संक्रमणमुक्त भएका छन्। योसँगै नेपालमा संक्रमणमुक्त हुनेको संख्या ६ लाख ५२ हजार २६१ छ।
यस्तै, शुक्रबार कोरोना संक्रमणबाट २७ संक्रमितको मृत्यु भएको छ। योसँगै देशभर कोरोनाबाट ९ हजार ८३४ को मृत्यु भइसकेको छ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com