Follow @khasokhasmag

अमेरिकामा डेढ लाख डलरसम्मको पीपीपी ऋण मिनाहाका लागि एसबीएको पोर्टल


प्रकाशित मिति : श्रावण १४, २०७८ बिहीबार

अमेरिकामा १ लाख ५० हजार डलर वा सो भन्दा कमको पेचेक प्रोटेक्सन ऋण मिनाहाका लागि साना व्यवसाय प्रशासन एसबीएले सिधै आवेदन दिनसकिने गरी पोर्टलको व्यवस्था गरेको छ । उक्त पोर्टलमार्फत १ लाख ५० हजार डलर वा सोभन्दा कम पीपीपी ऋण लिएकाहरुले मिनाहाका लागि ऋणदातालाई सम्पर्क नगरी सिधै आवेदन दिनसक्ने एसबीएले घोषणा गरेको छ ।

यसरी सिधै ऋण मिनाहाका लागि आवेदन दिन ६५ लाख व्यवसायहरु योग्य रहेको जनाइएको छ । अहिले यो कार्यक्रममार्फत ऋण मिनाहाका लागि आवेदन दिन एसबीएबाट निम्ता प्राप्त गरेको हुनुपर्छ । तर अगस्त ४ देखि भने सबै व्यवसायका लागि पोर्टल खुला हुने जनाइएको छ । आगामी बुधबारदेखि ऋण मिनाहाका लागि आवेदन दिन सकिनेछ ।

यसबारे कुनै प्रश्न भएकाहरुले एसबीएको फोन नम्बर ८७७ ५५२ २६९२ मा सोमबारदेखि शुक्रबारसम्म न्युयोर्क समय विहान ८ बजेदेखि बेलुका ८ बजेसम्म सम्पर्क गर्नसक्नेछन् । एसबीएले यस अगाडि ऋण मिनाहा आवेदनलाई व्यवस्थीत गर्नका लागि ५० हजारभन्दा कम ऋण लिएकाहरुका लागि १२ पेजबाट घटाएर २ पेजको आवेदन तयार पारेको थियो ।

पीपीपी ऋण कोरोना महामारीका कारण मारमा परेका व्यवसायहरुलाई आफ्ना कर्मचारीहरुलाई तलब खुवाउन र अत्यावश्यक खर्चका लागि प्रदान गरिएको थियो । सरकारले तोकेका शीर्षकमा खर्च गरेको खण्डमा यो ऋण पूर्णरुपमा मिनाहा हुने प्रावधान रहेको छ । सन् २०२१ मा मात्र एसबीएले २७५ बिलियनभन्दा धेरै पीपीपी ऋण जारी गरेको थियो ।

ऋण मिनाहा फाइल गरिदिन ढिलासुस्ती गर्ने ऋणदाताका कारण कैयन व्यवसायको ऋण मिनाहा हुन सकेको छैन । यो अवस्थामा एसबीएले ल्याएको नयाँ प्रावधानले त्यस्ता व्यवसायहरुलाई ऋण मिनाहाका लागि सहज हुने अपेक्षा गरिएको छ ।

एसबीएको वेवसाइटमार्फत ऋण मिनाहाका लागि आवेदन दिन यहाँ क्लीक गर्नुहोला ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com