Follow @khasokhasmag

बढ्दै कोरोनाः परीक्षण गरिएकामध्ये २४ प्रतिशतमा संक्रमण पुष्टि, ३८४० संक्रमित थपिए, ३३ को मृत्यु


प्रकाशित मिति : श्रावण १३, २०७८ बुधबार

कोरोना परीक्षणका आधारमा नेपालमा संक्रमण दर बढ्दै गइरहेको छ। स्वास्थ्य तथा जनसंख्या मन्त्रालयका अनुसार बुधबार १५ हजार ८०८ नमुना परीक्षण गरिएकामा ३ हजार ८४० जनामा संक्रमण पुष्टि भएको छ। यो कूल परीक्षणको २३.७ प्रतिशत हो।

बुधबार थपिएकामध्ये काठमाडौं उपत्यकामा ८५९ छन्। जसमा भक्तपुरमा ९४, ललितपुरमा २०६ र काठमाडौंमा ५५९ छन्।

त्यस्तै पछिल्लो २४ घन्टामा १ हजार ९९३ जना संक्रमणमुक्त भएका छन्।

सोही अवधिमा ३३ जनाको मृत्यु भएको छ। योसँगै हालसम्म मृत्यु हुनेको संख्या ९०७१ पुगेको छ।

कोरोना संक्रमण पुष्टि हुने प्रदेशमा गण्डकी प्रदेश सबैभन्दा अगाडि छ। यहाँ हरेक तीन जनामा परीक्षण गर्दा दुई जनामा कोरोना पुष्टि हुने गरेको छ। हाल गण्डकी प्रदेशमा ३२ प्रतिशत संक्रमित पुष्टि भइरहेको छ। त्यस्तै, प्रदेश १ मा २७.५ प्रतिशत व्यक्तिहरुमा संक्रमण पुष्टि भइरहेको छ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com