३ मंसिर २०८३, बिहिबार| Thursday, November 19, 2026
इमिग्रेशन

बेलायतमा अन्तर्राष्ट्रिय विद्यार्थीलाई ग्रयाजुएसनपछि वर्क परमिट दिने नियम लागू

बेलायत सरकारले क्षमतावान अन्तर्राष्ट्रिय विद्यार्थीलाई लक्षित गरि ल्याएको ग्रयाजुएट इमिग्रेसन रुट औपचारिक रुपमा  १ जुलाईबाट लागू भएको छ ।

ग्रयाजुएट इमिग्रेसन रुटमार्फत अब बेलायती विश्वविद्यालयबाट डिग्री गर्ने विद्यार्थीले दुई वर्ष र पिएचडी वा डक्टोरल गर्ने विद्यार्थीले तीन वर्षको वर्क परमिट (पिएसडब्लु) पाउने छन् ।

‘बेलायती विश्वविद्यालयबाट ग्रयाजुएट सकेका विद्यार्थीले अब जुनसुकै क्षेत्रमा फूलटाइम काम गर्न पाउने गरि पिएसडब्लु भिजा अप्लाइ गर्न सक्छन्’, लन्डन र नेपालस्थित युनी ल्याडर कन्सल्टेन्सीका निर्देशक गणेश खड्काले भने, ‘पढाइमा लगनशील र उत्कृष्ट क्षमता प्रदर्शन गर्ने विद्यार्थीलाई बेलायत सम्भावनाको देश बनेको छ । अब कामसंगै भिजा परिवर्तन गरेर ‘सेटलमेन्ट रुट’ मा जाने बाटो पनि खुलेको छ ।’

खड्काले ‘ट्रयाक रेकर्ड अफ कम्प्लाएन्स’ भएका युनिभर्सिटीहरुबाट डिग्री गर्ने विद्यार्थीले मात्र पिएसडब्लु भिजा अप्लाइ गर्न सक्ने बताए ।

बेलायतको नयां नियमबाट नेपाली विद्यार्थी समेत लाभान्वित हुनेछन् । अहिले बेलायती विश्वविद्यालयमा अध्ययन गर्न आउने नेपाली विद्यार्थीको संख्या बढिरहेको छ । तर, कोरोना महामारीसंगै जारी निषेधाज्ञका कारण कयौं विद्यार्थी नेपालमै अड्किएको शैक्षिक परामर्शदाताहरु बताउंछन् ।

बेलायतले गत अप्रिल २०१२ मा पिएसडब्लु रुट खारेज गरिदिएको थियो । ब्रेक्जिटसंगै बेलायतले गत १ जनवरीदेखि आफ्नो अध्यागमन नियममा परिवर्तन गर्दै अंकमा आधारित बनाएको छ ।

क्षमतावान उत्कृष्ट नतिजा ल्याउने विद्यार्थीलाई पढाइपछि बेलायतमै ‘करिअर’ बनाउन अवसर दिने नीति सरकारको छ ।

खसोखासका समाचार नछुटाउनुहोस्Follow Khasokhas for immigration, green card, tax and community news.Facebook मा Follow गर्नुहोस् →
लेखक खसोखास अमेरिका ब्यूरो

Khasokhas Weekly is published Weekly and read by thousands of Nepalese and Nepalese speaking in the USA. There are more than 250,000 (unofficial data) Nepali people in the USA. According to the 2010 US Census, there are 59,490 Nepalese in the USA. The actual numbers…

यस लेखकका थप समाचार →