राष्ट्रिय सभा उपनिर्वाचनमा कांग्रेसका दृगनारायण पाण्डेय विजयी
प्रकाशित मिति : जेष्ठ १७, २०७८ सोमबार
राष्ट्रियसभा सदस्य उपनिर्वाचनमा विपक्षी गठबन्धनका दृगनारायण पाण्डेय विजयी भएका छन्। नेपाली कांग्रेसबाट उम्मेदवार बनेका पाण्डेयले सत्तारुढ नेकपा एमालेका चन्द्रबहादुर खड्कालाई पराजित गरेका हुन्।
पाण्डेयले प्रदेशसभातर्फ ४२ र स्थानीय तहतर्फ ११८ मत पाएका छन्। खड्काले प्रदेशसभातर्फ ४० र स्थानीयतर्फ ९४ मत पाएका छन्।
पाण्डेय केही दिनअघिमात्र प्रदेशसभा सदस्यबाट राजीनामा दिएर कांग्रेस प्रवेश गरेका थिए। उनलाई माओवादी केन्द्र, जसपा (बाबुराम–उपेन्द्र) समूह र राष्ट्रिय जनमोर्चाले साझा उम्मेदवार बनाएका थिए। यसैगरी एमाले उम्मेदवार खड्कालाई जसपा (महन्थ–राजेन्द्र) समूहले साथ दिएको थियो।
यसअघि पनि बागमती प्रदेशको राष्ट्रिय सभा उपनिर्वाचनमा गठबन्धनका उम्मेदवार डा खिमलाल देवकोटाले एमाले उम्मेदवार रामबहादुर थापा ‘बादल’ लाई पराजित गरेका थिए।