नेपालमा बुधबार संक्रमितभन्दा निको हुने बढी, ६७१४ मा संक्रमण पुष्टि हुँदा ६७१६ निको भए
प्रकाशित मिति : जेष्ठ १२, २०७८ बुधबार
नेपालमा बुधबार संक्रमितभन्दा संक्रमणमुक्त हुनेको संख्या बढी देखिएको छ। स्वास्थ्य तथा जनसंख्या मन्त्रालयका अनुसार बुधबार २४ घन्टामा ६ हजार ७१६ जना कोरोनामुक्त भएका छन्। योसँगै ४ लाख ११ हजार ६०३ जना निको भएका छन्।
हालसम्म कुल संक्रमितमध्ये ७६.९ प्रतिशत संक्रमणमुक्त भएका छन्।
बुधबार १९ हजार ३० को पिसीआर र ३२२ जनाको एन्टीजेन परीक्षण गर्दा ६ हजार ७१४ जना संक्रमण पुष्टि भएको मन्त्रालयले जनाएको छ। योसँगै नेपालमा कोरोना संक्रमितको संख्या ५ लाख ४० हजार ७७५ पुगेको छ।
यस्तै, १४५ जनाको कोरोना संक्रमणबाट निधन भएको छ। हालसम्म देशभर ६ हजार ८४५ संक्रमितको निधन भएको छ।
बुधबार १ लाख १७ हजार ७७ संक्रमित आइसोलेसनमा छन।