अलबिदा अजय: जनवरीमा न्युयोर्कबाट बेपत्ता नेपाली युवाको शव भेटिएपछि आज अन्त्येष्टी

प्रकाशित मिति : बैशाख २७, २०७८ सोमबार

जनवरीको तेश्रो साता न्युयोर्कबाट हराएका नेपाली विद्यार्थी २२ बर्षीय अजय साहको शव भेटिएपछि आज परिवारको उपस्थीतिमा अन्त्येष्टी गरिएको छ । न्युजर्सीको समरसेट मेमोरियल पार्क मिमेट्रीमा अजयको अन्त्येष्टी गरिएको अन्तिम विदाईमा सहभागी अमित शाहले जानकारी दिए ।

अन्त्येष्टीमा अजयका बुबा महेन्द्र साह रौनियार र आमा ममतादेवी साह रौनियारको समेत उपस्थीति रहेको थियो । दुईदिन अगाडिमात्र अजयका बुबाआमा न्युयोर्क आइपुगेका थिए ।

अजयका परिवारप्रति समवेदना व्यक्त गर्दै अन्तेष्टीमा सहभागी

जनवरी २० को विहान झण्डै ५ बजे अन्तिमपटक ब्रुकलिन ब्रिजमा देखिएका अजयको शव हडसन रिभर र इष्ट रिभरको मिश्रण भएको बु्रकलिन ब्रिज नजिकैको पानीमा एंकरेज च्यानलमा भेटिएको थियो । उनको शव मार्च ९ मा नै फेला परेपनि पहिचान खुल्न नसकेकाले न्युयोर्क प्रहरीले अप्रिल २५ मा यसबारे मोरिस काउन्टीको प्रहरीलाई जानकारी दिएको थियो ।

अजयप्रति श्रद्धाञ्जली व्यक्त गर्दै अमित शाह

अजयको झोला सी ब्राइटमा भेटिएको थियो । समुन्द्रको किनारमा जाँदा एकजना व्यक्तिले झोला भेटाएपछि अप्रिलको अन्तिम साता अधिकारीहरुलाई बुझाएका थिए ।

त्यस क्षेत्रको सीसीटिभी फूटेज हेर्दा उनी ब्रिजमा ब्याकप्याकसहित एक्लै हिडेको देखिएको थियो । जनवरी १९ को राती १२ बजेतिर न्युजर्सीबाट न्युयोर्कको पेन स्टेशनमा आएको र न्युयोर्कको पेन स्टेशनबाट बाहिर सीसीटिभी फुटेजमा देखिएको थियो ।

पेन स्टेशनबाट बाहिर निस्केपछि अजय ब्रोडवे र बार्कलेमा देखिएका देखिएका थिए । न्युजर्सीको म्याडिसनमा रहेको ड्रिउ युनिभर्सिटीमा अध्ययनरत शाह म्याडिसनमै बस्दै आएका थिए ।

अजयको कोठामा गएर हेर्दा टेबुलमा आई लभ यु ममी लेखेको नोट भेटिएको थियो । तर उक्त नोटमा अरु केही नलेखिएको र रद्दीमा फ्याकिएको एउटा नोटमा उनले अब केही गर्ने बेला भएको व्यहोरा लेखेको भेटिएको थियो ।

अजयको अन्तिम विदाई गरिदै ।

पुख्यौली घर सिराहा रहेको र हाल उनको परिवार कीर्तिपुरमा बस्दै आएको जनाइएको छ । अजयले विगत साढे २ बर्षदेखि ड्रिउ युनिभर्सिटीमा अध्ययन गर्दै आएका थिए ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com