मेरिल्याण्ड गोलीकाण्डमा ज्यान गुमाउने नेपाली पूर्ण छात्रबृत्तिमा आएका सागर
प्रकाशित मिति : बैशाख २६, २०७८ आईतबार
मेरिल्याण्ड भएको गोली काण्डमा ज्यान गुमाउने नेपालीको परिचय सार्वजनिक गरिएको छ । गोलीकाण्डमा आक्रमणकारीसहित ४ जनाको मृत्यु भएकोमा एकजना नेपाली समेत रहेका छन् । घिमिरे वाउन्टीमोर काउन्टीमा रहेको वुडल्यानमा वस्दै आएका थिए ।
गोली काण्डसंगै घरमा आगजनी समेत भएको थियो । आक्रमणकारीको भने प्रहरीको गोलीबाट निधन भएको हो । मानसिक स्वास्थ्यमा समस्या भएको व्यक्तिले चलाएको गोलीबाट घिमिरेको मृत्यु भएको हो ।
संखुवासभा स्थायी घर भएका २४ बर्षका घिमिरे यही अप्रिलमा साउथ क्यारोलिनाको अरेन्जबर्गमा रहेको क्लाफलिन युनिभर्सिटीबाट ग्रयाजुएट भएका थिए । उनी झण्डै एकसाता अगाडिमात्र वुडल्यान कम्प्लेक्समा बसाई सराई गरेका थिए ।
बाल्टीमोर काउन्टी पुलिस डिपार्टमेन्टले प्रेस वक्तब्य जारी गर्दै मृतकहरुको पहिचान सार्वजनिक गरेको थियो । घटनामा मृत्यु हुने अन्य व्यक्ति ४१ र ३७ बर्षका रहेका छन् ।
घटनामा एक नेपालीको घर पूर्णरुपमा धवस्त भएको छ भने त्यहा कम्तिमा दुई घर पुरै र दुई घर आंशिक रुपमा जलेको बताइएको छ ।
घटनामा घाइते हुने नेपाली सर्लाहीका श्याम अधिकारी रहेको जनाइएको छ । उनी सन् २०१७ मा अमेरिका आएको जनाइएको छ ।
बन्दुकधारी अन्य नेपालीहरुलाई पनि लखेटेको र भागेर ज्यान बचाएको जनाइएको छ ।
