सर्वोच्चले भन्यो–एमाले र माओवादी केन्द्र साविककै अवस्थामा
प्रकाशित मिति : फाल्गुन २३, २०७७ आईतबार
सर्वोच्च अदालतले नेपाल कम्युनिष्ट पार्टी (माओवादी केन्द्र) र नेपाल कम्युनिष्ट पार्टी (एकीकृत माक्र्सवादी लेनिनवादी) साविककै अवस्थामा रहने फैसला गरेको छ।
ऋषि कट्टेल नेतृत्वको नेकपालाई आधिकारिकता दिएसगै सर्वोच्चले दुवै दल कायमै रहने फैसला गरेको हो।
अदालतले दुवै दललाई पुनः एकीकरण गर्ने मौकासमेत दिएको छ।
फैसलाको पूर्णपाठ
नेपाल कम्युनिस्ट पार्टी संक्षिप्तमा नेकपा नाम गरेको पार्टी निर्वाचन आयोगमा पहिला दर्ता भइसकेको अवस्थामा सोही पार्टीसँग नाम मिल्ने गरी नयाँ पार्टी दर्ता गर्न नमिल्ने आदेश अदालतले दिएको छ।
फैसलामा भनिएको छ, ‘निर्वाचन आयोगका निर्णय बदर भएपश्चात साबिकमा निर्वाचन आयोगमा राजनीतिक दलका रुपमा दर्ता रहेका नेपाल कम्युनिष्ट पार्टी (एकीकृत मार्क्सवादी लेनिनवादी) र नेपाल कम्युनिस्ट पार्टी (माओवादी केन्द्र) अलग-अलग राजनीतिक दलका रुपमा साविककै अवस्थामा कायम रहने हुँदा अब यी दुई राजनीतिक दलले एकीकरण गर्ने भएमा राजनीतिक दलसम्बन्धी ऐन तथा नियमविपरीत नहुने गरी निर्णय गरी अविलम्ब निर्वाचन आयोगमा उपस्थित हुन जानकारी दिइ शीघ्र कानुनबमोजिम आवश्यक निर्णय गर्नु गराउनु भनि विपक्षीमध्येका निर्वाचन आयोगका नाममा परमादेश जारी गरिएको छ।’