सय दिन देशनिकाला नगर्ने बाइडेनको योजनामा ट्रम्प नियुक्त न्यायाधिसबाट अनिश्चितकालिन रोक

प्रकाशित मिति : फाल्गुन १२, २०७७ बुधबार

एक सयदिन देशनिकाला स्थगित गर्ने बाइडेन प्रशासनको योजना कार्यान्वयनमा अस्थायी रोक लगाएको अदालतले मंगलबार राती अनिश्चितकालिन रोक लगाएको छ । अमेरिकाको डिस्ट्रिक्ट कोर्ट टेक्सासका संघीय न्यायाधिस ड्रिउ टिप्टनले देशनिकाला स्थगन कार्यान्वयनमा रोक लगाउन प्राथमिक आदेश जारी गरेका हुन् ।

एकसय दिनसम्म देशनिकाला स्थगन गर्ने नीतिले संघीय कानूनको उल्लंघन गर्ने र राज्यहरुमाथि आर्थिक भार समेत बढाउने अदालतको ठहर छ । बाइडेनले ट्रम्पकालिन देशनिकालाका नीतिको पुनरावलोकन गर्नका लागि र देशनिकालाका प्राथमिकताहरु परिवर्तन गर्नका लागि एकसयदिन देशनिकाला स्थगित गर्ने घोषणा गरेका थिए ।

न्यायाधिस ट्रिप्टनलाई डोनाल्ड ट्रम्पले नियुक्त गरेका थिए । उनले सुरुमा जनवरी २६ मा नै देशनिकाला स्थगन कार्यान्वयनमा अस्थायीरुपमा रोक लगाउन आदेश जारी गरेका थिए । अस्थायी रोक दिने आदेशको म्याद हिजो मंगलबार सकिन लागेकोमा सकिनुभन्दा केहीबेर अगाडि उनले देशनिकाला स्थगन कार्यान्वयनमा अनिश्चितकालिन रोक लगाएका हुन् ।

अदालतको यो आदेशले देशनिकाला स्थगन कार्यान्वयनमा रोक लगाएपनि पहिलेकै जस्तोगरी देशनिकाला गर्न बाइडेन प्रशासनलाई बाध्य भने बनाएको छैन । तर बाइडेन प्रशासनको सुरुवात भइसकेपछि पनि अमेरिकाबाट सयौं व्यक्ति देशनिकाला भइसकेका छन्, जसमा नावालक समेत रहेका छन् ।

डिस्ट्रिक्ट कोर्टको यो आदेशलाई बाइडेन प्रशासनले पुनरावेदन गर्ने नगर्ने स्पष्ट छैन ।

यसैबीच बाइडेन प्रशासनले देशनिकालाको नयाँ प्राथमिकता तय गरेको छ । यसै अनुशार इमिग्रेशन एण्ड कस्टम इन्फोर्समेन्ट आइसलाई नयाँ प्राथमिकताबारे निर्देशन समेत जारी गरिसकेको छ ।

९० दिनका लागि तय गरिएको उक्त निर्देशिका अनुशार निश्चित प्रकारका अपराधमा दोषी ठहरिएकाहरुलाई सार्वजनिक सुरक्षा अन्तरगत देशनिकालाका लागि अनुमति दिइएको छ । ९० दिनभित्र दीर्घकालिन नीति निर्माण गरिने र त्यतीबेलासम्मका लागि यही अस्थायी नीति कार्यान्वयनमा आउने भएको छ ।

आतंकबाद, जासुसी लगायतका कारण राष्ट्रिय सुरक्षामा खतरा रहेकाहरुपनि देशनिकालाको प्राथमिकतामा पर्ने भएका छन् । त्यस्तै सन् २०२० को नोभेम्बर १ पछि गैरकानुनी रुपमा सिमाबाट छिरेकाहरु पनि देशनिकालाको प्राथमिकतामा पर्ने भएका छन् ।

७ पेज लामो उक्त निर्देशिकाको पूर्ण पाठ

आइसका कार्यकारी निर्देशक टाइ जोन्सनले आफ्नो सिमित साधनश्रोत अहिलेका लागि राष्ट्रिय सुरक्षा, सिमा सुरक्षा र सार्जजनिक सुरक्षामा जोखिमपूर्ण व्यक्तिलाईमात्र देशनिकालामा लगाउने बताएका छन् । नयाँ नीति अनुशार आइसका एजेण्टहरुले जो सुकैलाई पनि पक्राउ गरेर देशनिकाला गर्न आवश्यक नभएको र उनीहरुले आफ्नो तजविज अधिकार सुझबुझपूर्ण तरिकाले प्रयोग गर्नसक्ने जनाइएको छ ।

गिरोहका सदस्यहरु, तस्करहरु र आतंकवादीहरुलाई देशनिकालाको उच्च प्राथमिकतामा राखिएको आइसले जनाएको छ । अमेरिकामा बसिरहेका कागजपत्रविहिनहरुले विगतमा कुनै जघन्य अपराध गरेको भएमा उनीहरु सार्वजनिक सुरक्षा अन्तरगत देशनिकालाको प्राथमिकतामा पर्नेछन् ।

कतिपय अधिकारकर्मीहरुले नोभेम्बर १ पछि सिमाक्षेत्रबाट गैरकानुनी रुपमा अमेरिका छिरेकाहरु देशनिकालाको प्राथमिकतामा राखिएकोमा आपत्ति जनाएका छन् । आइसका अधिकारीहरुले तोकिएको मापदण्डहरु ठीक तरिकाले पूरा नगरेकाहरुलाई देशनिकालाको प्राथमिकतामा राख्ने वा नराख्ने भन्ने सन्दर्भमा आफूभन्दा माथिका अधिकारीबाट स्वीकृति लिनुपर्ने भएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com