मिस्टर एण्ड मिस ग्लामर लुम्बिनी बने युकेश मगर र अप्सरा मगर
प्रकाशित मिति : फाल्गुन २, २०७७ आईतबार
मिस्टर एण्ड मिस ग्लामर लुम्बिनी सिजन २ को ताज युकेश मगर र अप्सरा मगरले पहिरिएका छन् । शनिबार बुटवलको दरबार लाउन्जमा आयोजित प्रतियोगितामा उनीहरुले उपाधी जितेका हुन् ।
प्रतियोगितामा फस्ट रनर अप यमुना घिमिरे र प्रतिक पन्थ, सेकेण्ड रनर अप अमृत थडारी र सजमिन क्षेत्री भए । दर्शकको च्वाइसमा टोनी मगर र आयोजकको च्वाइसमा अज्जु गुरुङ र रञ्जना केसी परे ।
मिस्टर मोडल अफ द वल्र्ड दिक्पाल कार्की प्रमुख जज रहेको प्रतियोगिताका अन्य जजहरुमा प्रकाश कुँवर, कविता पुन, सिता न्यौपाने र अमित बाबु कुँवर थिए ।
कार्यक्रममा ज्योति मगरको विशेष प्रस्तुती थियो । एके इनोभेशनको आयोजनामा भएको प्रतियोगितामा सीईओ अन्जान कुँवरले स्थानीय प्रतिभालाई प्रोत्साहन गर्न कार्यक्रम आयोजना गरिएको बताए ।
त्यस्तै कार्यक्रममा मुख्य जज तथा मोडल दिक्पाल कार्कीले स्थानीय स्तरबाट प्रतिभा खोजेर यसरी नै राष्ट्रिय हुँदै अन्तर्राष्ट्रिय स्तरसम्म अगाडि बढ्न मद्दत पुगोस् भन्ने हेतुले कार्यक्रममा सहभागी भएको बताए ।