खानेपानी मन्त्री थापाबाट ‘श्री ५ को सरकारका तर्फबाट’ भन्दै सम्बोधन, सामाजिक सञ्जालमा आलोचना
प्रकाशित मिति : माघ १७, २०७७ शनिबार
प्रधानमन्त्री केपी ओली नेतृत्वको वर्तमान सरकारका खानेपानी मन्त्री मणी थापाले श्री ५ को सरकारका तर्फबाट भन्दै कार्यक्रममा सम्बोधन गरेका छन् ।
सुर्खेतमा आयोजित एउटा कार्यक्रममा उनले नेपाल सरकारको सट्टा ‘श्री ५ को सरकार’ भन्दै सम्बोधन गरेका थिए ।
उनले सम्बोधनको सुरुमै भनेका थिए- ‘सबैलाई म सम्मान गर्न चाहन्छु, जो मञ्चमा आसिन हुनुहुन्छ। र, सुर्खेतका आदरणीय जनसमुदायहरू, म सबैलाई नेकपा स्थायी कमिटीको तर्फबाट र श्री ५ को सरकारको तर्फबाट यो कार्यक्रममा…..’
लगत्तै नजिकै रहेका एकजनाले सचेत गराएपछि उनले भने – ‘ए सरी नेपाल सरकारको तर्फबाट यो कार्यक्रममा म तपाईलाई लाल सलाम भन्न चाहन्छु ।’
थापाले गल्तीले श्री ५ को सरकार भनेपछि मन्चमा समेत खासखुस चलेको थियो । उनले ‘ए, सरी’ भन्दै सम्बोधन जारी राखेका थिए ।
उनले दिएको मन्तब्यको भिडियो:
प्रचण्ड-नेपाल समूहका ७ जना मन्त्रीले राजीनामा दिएपछि गत पुस १० गते प्रधानमन्त्री ओलीले थपेका नयाँ मन्त्री मध्ये थापा एकजना हुन् । प्यूठान स्थायी घर भएका पूर्व माओवादी नेता थापाले खानेपानी मन्त्रीको जिम्मा पाएका छन् भने उनी ओली समूहका कर्णाली प्रदेश इन्चार्जपनि हुन् ।
ओली पक्षको नेपाल कम्युनिष्ट पार्टी नेकपा जिल्ला कमिटि सुर्खेतले शनिबार विरेन्द्रनगर सुर्खेतमा आयोजना गरेको जिल्ला स्तरीय कार्यकर्ता भेलामा थापा चिप्लिएका हुन् ।
सामाजिक सञ्जालमा मन्त्री थापाको आलोचना भएको छ भने मन्त्रीको यो भिडियो भाइरल भएको छ । लेखक तथा विश्लेषक खगेन्द्र संग्रौलाले ट्वीटरमा भनेका छन् – ‘सिध्दान्त र आदर्श ओली सरका पाउमा सुम्पेर मन्त्री पद खाने पूर्व माओवादी मणि थापा त श्री ५ को सरकार पो भन्न थाले लौ ! के यिनले श्री ५ को ओली सरकार भन्न खोज्या हुन् ?’
हे ठाेरीका राम नि! सिध्दान्त र अादर्श अाेली सरका पाउमा सुम्पेर मन्त्री पद खाने पूर्वमाअाेवादी मणि थापा त श्री ५ काे सरकार पाे भन्न थाले लाै! के यिनले श्री ५ काे अाेली सरकार भन्न खाेज्या हुन्? https://t.co/uK3zOtQ0Kt
— Khagendra Sangroula (@belakoboli) January 30, 2021
कतिपयले उनको गल्तीको कडा आलोचना गरेका छन् भने कतिपयले मजाक उडाएका छन् ।
मणि थापा दाइ !
अरुण तरेर नाना तमोर तरेर
तपाई जानु भयो,
श्री ५ सरकारको गाथा कोरेर pic.twitter.com/pz94KxjKrw— Rajesh Rai (@Rajsh55) January 30, 2021