काठमाडौंको दूतावासबाट जारी नभएपनि २ महिनामा ४६ नेपालीले यसरी पाए अमेरिकाको विद्यार्थी भिसा

प्रकाशित मिति : पुस २१, २०७७ मंगलबार

काठमाडौंमा रहेको अमेरिकी दूतावासले नियमित भिसा सेवा सुचारु गरेको छैन । जसका कारण चालु आर्थिक बर्षको सुरुको २ महिना अक्टोबर र नोभेम्बरमा काठमाडौंमा रहेको अमेरिकी दूतावासले कसैलाई पनि विद्यार्थी भिसा जारी गरेन ।

तर अमेरिकी सरकारको विदेश मन्त्रालय, ब्यूरो अफ कन्सुलर अफेयर्सका अनुशार यो दुई महिनामा ४६ जना नेपालीले अमेरिकाको विद्यार्थी भिसा एफ वान प्राप्त गरेका छन् । त्यस्तै एकजनाले डिपेन्डेन्टका रुपमा एफ टु भिसा प्राप्त गरेका छन् ।

नेपालमा रहेको अमेरिकी दूतावासले नियमित भिसा सेवा संचालन नगरेपछि नेपालीहरुले नेपालबाहिरका दूतावास र कन्सुलेटमार्फत विद्यार्थी भिसाका लागि आवेदन दिएका छन् । अधिकांशले न्यू दिल्लीमा रहेको अमेरिकी दूतावासबाट विद्यार्थी भिसा प्राप्त गरेका हुन् ।

विद्यार्थी भिसा प्राप्त गरिसकेकाहरुलाई अमेरिका आउनमा राष्ट्रपति डोनाल्ड ट्रम्पको आप्रवासन रोकले कुनै असर गर्दैन । उनीहरु काठमाडौंबाटै नियमित उडानबाट अमेरिका आउन सक्छन् । तर उनीहरुले सीडीसी र सरकारका स्वास्थ्य मापदण्डहरुको भने पालना गर्नुपर्छ ।

काठमाडौंको दूतावासले जारी गरेका भिसा

नियमित भिसा सेवा बन्द भएपनि अमेरिकी दूतावास काठमाडौंले अन्य विभिन्न प्रकारका भिसाहरु जारी गरिरहेको छ । तर अक्टोबरको तुलनामा नोभेम्बरमा भिसा पाउनेहरु भने घटेका छन् । काठमाडौं दूतावासबाट आर्थिक बर्ष २०२१ को पहिलो महिना अक्टोबरमा मात्र ५३७ ले भिसा पाएकोमा नोभेम्बरमा जम्मा ३०३ जनाले भिसा पाएको अमेरिकी सरकारको विदेश मन्त्रालय ब्यूरो अफ कन्सुलर अफेयर्सले जनाएको छ ।

नोभेम्बरमा काठमाडौं दूतावासबाट जारी भिसा श्रेणीसहित

 

नोभेम्बरमा काठमाडौं दूतावासबाट जारी भिसा श्रेणीसहित

नोभेम्बरमा ५८ जना अमेरिकी नागरिकका दम्पत्तिहरुले काठमाडौं दूतावासबाट भिसा पाएका छन् भने एकजना डिभी विजेताले भिसा पाएका छन् । नोभेम्बरमा काठमाडौंमा रहेको दूतावासबाट १९६ जनाले बी वान बी टु भिजिटर भिसा प्राप्त गरेका छन् । नोभेम्बरमा १० जनाले एक्सचेन्ज भिजिटर जे वान भिसा प्राप्त गरेका छन् ।

अक्टोबरमा भने काठमाडौं दूतावासबाट सबैभन्दा धेरै ४०४ जनालाई बी वान बी टु भिजिटर भिसा प्रदान गरिएको थियो । कोरोनाको महामारी कारण नियमित भिसा सेवा बन्द रहेकाले यसरी भिजिटर भिसा पाउनेहरुमध्ये अधिकांश भिसा नविकरण गर्नेहरु रहेका छन् । भिसा नविकरणका लागि दूतावासमा अन्तरवार्ताका लागि उपस्थीत हुन पर्दैन ।

अक्टोबरमा ८ जनालाई कुटनीतिक भिसा जारी गरिएको थियो । त्यस्तै अन्तर्राष्ट्रिस संस्थामा काम गर्ने ४ जनालाई जीफोर भिसा प्रदान गरिएको थियो भने ४ जनालाई एक्सचेन्ज भिजिटर जे भिसा प्रदान गरिएको थियो ।

४६ जना अमेरिकी नागरिकका दम्पत्तिका लागि काठमाडौं दूतावासबाट शर्तसहितको सीआर वान भिसा जारी गरिएको छ भने ४१ जना अमेरिकी नागरिकका दम्पत्तिका लागि नियमित आईआर वान भिसा जारी गरिएको थियो । अमेरिकी नागरिकका छोराछोरी ९ जना र बुबाआमा १२ जनाले पनि अक्टोबरमा अमेरिकी दूतावास काठमाडौंबाट भिसा पाएका थिए ।

अक्टोबरमा एकजना डिभी लोटरी विजेतालाई भिसा जारी गरिएको उल्लेख छ भने ग्रिनकार्डवाहकका अविवाहित छोराछोरी एकजना, अमेरिकी नागरिकका २१ बर्ष कटेका दाजुभाई दिदीबहिनीहरु २ जना, उनीहरुका दम्पत्ति २ जना र छोराछोरी ३ जनालाई पनि भिसा जारी गरिएको थियो ।

अमेरिकी राष्ट्रपति डोनाल्ड ट्रम्पको कार्यकारी आदेशका कारण कैयन प्रकारका आप्रवासी र गैरआप्रवासी भिसा जारी गर्नमा डिसेम्बर अन्त्यसम्मका लागि रोक लागेको थियो । त्यसैले अक्टोबर र नोभेम्बरमा अमेरिकी ग्रिनकार्डवाहकका कुनै पनि दम्पत्तिलाई काठमाडौंमा रहेको दूतावासबाट भिसा जारी गरिएको छैन ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com