शेरधन राईलाई संसदीय दलको नेताबाट हटाउने नेकपा संस्थापन पक्षको निर्णय
प्रकाशित मिति : पुस १६, २०७७ बिहीबार
नेकपाको संस्थापन पक्ष (प्रचण्ड-माधव) ले प्रदेश-१ का मुख्यमन्त्री शेरधन राईलाई संसदीय दलको नेताबाट हटाएको छ । बिहीबार बिहान बसेको संस्थापन पक्षको बहुमत सांसदको बैठकले दलको नेताबाट राईलाई हटाउने निर्णय गरेको हो । उनको स्थानमा भीम आचार्यलाई चयन गरिएको छ ।
मुख्यमन्त्री राईविरुद्ध यसअघि नै अविश्वासको प्रस्ताव दर्ता भैससकेको छ । नयाँ मुख्यमन्त्रीमा आचार्यलाई नै प्रस्ताव गरिएको थियो । कुल ९३ सीट रहेको प्रदेश सभामा नेकपाका मात्रै ६७ सांसद थिए । पार्टी विभाजनपछि ओली समूहमा रहेका शेरधन राईको पक्षमा २२ जना मात्रै छन् भने संस्थापन पक्षमा ४० भन्दा बढी सांसद छन् ।