नेकपा स्थायी कमिटी बैठक पुस १ गतेसम्मका लागि स्थगित
प्रकाशित मिति : मंसिर २८, २०७७ आईतबार
नेपाल कम्युनिष्ट पार्टी (नेकपा)को स्थायी कमिटी बैठक सकिएको छ । प्रधानमन्त्रीको सरकारी निवास बालुवाटारमा बैठक बसेको थियो । अर्काे बैठक आगामी पुस १ गते दिउँसाे १ बजे बस्ने भएकाे छ ।
आजको बैठक पार्टीका केन्द्रीय सदस्य कमानसिंह लामाको निधनमा शोक प्रस्ताव पारित गर्दै सकिएको हो । आजकाे बैठकमा प्रधानमन्त्री तथा अध्यक्ष केपी शर्मा ओली पनि सहभागी भएका थिए । मंसिर २१ गते बसेको बैठकमा भने ओली सहभागी थिएनन् ।
मंसिर २१ गते बसेको बैठकमा भने दुई अध्यक्षका प्रतिवेदन र विभिन्न पत्र अध्ययनका लागि वितरण गरिएको थियो । आगामी बैठकबाट स्थायी कमिटी सदस्यहरुले बोल्ने कार्यक्रम तय हुनेछ ।